Pynshlur ka tnad ka koit ka khiah iaki khynnah skul ban peit thuh iaki dak ki shin ka jingpang TB

Syllad | The Rising MeghalayaApril 8, 2022

Kum shibynta ban rakhe iaka World Health Day, ka ophis jong ka State Tuberculosis Officer, Meghalaya kala pynlong ka jingai jinghikai ïaki khynnah skul halor ka jingktah ka jingpang TB ne Tuberculosis ha Brookside Higher Secondary School, Shillong haka sngi Thohdieng.

Ïaka program la sdang da ki kyntien maitphang na ka Bornali Nongrum, State Nikshya Operator kaba la ïathuh shaphang ka World Health Day.

Ka Dr. Amica Rynjah, Assistant Programme Officer cum DR-TB Coordinator kaba dei ka riew shemphang kala pynshlur iaki khynnah skul ban peit thuh bha iaki dak ki shin jong ka jingpang TB bad batai pynshai halor ki lad ai jingsumar ia kane ka jingpang.

Shuh shuh ka Dr Rynjah kala ong baroh dei ban iatreilang ban tip khambniah iaka jingpang ban sam sha kiwei iaki jingtip halor ka jingpang TB haka imlang ka sahlang khnang ban lah ha kaban rat dyngkhong iaka jingpang TB ha u snem 2025 ka thong kaba la buh ka sorkar.

La pynlong ruh ïaka jingïakop quiz competition kaba la pynïaid da ka Kong Tracy Kharkamni, State Coordinator bad ka jingshim jingkular da ki khynnah skul ban iakhun ha ban rat dyngkhong iaka jingpang TB.

Kane ka jingai jinghikai kala wai da ka kyntien ai khublei na ka samla Vanessa Majaw, kaba pule Bachelor of Social Work student ha Women’s College.

ka ophis State Tuberculosis Officer, Meghalaya ka la pynlong ka jingpynsngewthuh ïaki khynnah skul halor ka jingktah ka jingpang TB ne Tuberculosis ha Brookside Higher Secondary School, Shillong.