Pynshlur u DEO, EJH ban pyndonkam ia ka cVIGIL App ban ujor ia kiba pynkhein MCC

Syllad | The Rising MeghalayaMarch 18, 2024

U District Election Officer (DEO), East Jaintia Hills District u pyntip ba hadien ba la pyntreikam ia ka Model Code of Conduct (MCC) na ka bynta ka jingpynlong ia ka ilekshon Lok Sabha 2024 ha ka Jylla, kumta ruh u kyntu bad pynshlur ia ki nongshong shnong ka district ba kin download ia ka cVIGIL app kaba dei ka mobile application na ka bynta ki nongshong shnong ba kin aijingtip ha kaba iadei bad kino kino ki jingpynkhein ia ka MCC bad ki jingpynkhein halor ki jingpynlut.

Ki nongshong shnong ki lah ban thep ne upload ia ki dur bad ki video kiba iadei bad kiba kum kine ki jingpynkhein lyngba ka cVIGIL app ia kaba lah ban dowanload na ka Play Store ha ki mobile phong jong ki.