Pynshlur u Dolloi ban mih shakhmat ban thep vote
U Dolloi Elaka Jowai ma Puramon Kynjing haka 9 tarik Iaiong ula snohktilang bad ka ophis u CEO Meghalaya ban pynsngewthuh iaki paidbah nongshong halor ka jingkongsan ka vote, bad kyntu iaki paidbah ban mih nala ki iing ki sem ban thep iaka vote kaba kordor haka 19 tarik Iaiong
Ka jngthep vote na ka bynta ban jied ia u MP Lok Sabha kan long haka 19 tarik Iaiong ha Jylla, kumta ka ophis u Chief Electoral Officer Meghalaya kala pynlong iaka jingpynsngewthuh ha Iawmusiang ha Jowai ka sorbah jong ka West Jaintia Hills district ban khot wer iaki nongthep ban mih paidbah ha ka sngi thep vote.
![](https://www.syllad.com/wp-content/uploads/2024/09/JIT-Vacancy-823x1024.avif)
U Dolloi ula kyntu iaki paid nongthep vote ba ka sor Jowai ka shimbynta shitrhem haka kam synshar khadar, kumta ka wanrah iaka jingskhem ka nongrim haka imlang ka sahlang ban pynthikna iaka lawei kaba shai bad ka synshar khadar kaba khlain.
U Deputy Commissioner of West Jaintia Hills District, BS Sohliya, ula donlang ha kane ka jingialang bad ula pyntip ba u CEO Meghalaya ula lam khmat ban pyniaid shakhmat iaka prokram SVEEP ka Election Commission of India. Lyngba kane ka SVEEP kan wanrah iaka jingiashimbynta ki nongialam shnong, elaka bad kiwei kiwei. U DC ula ong ba da kaba thep iaka vote, ka pynlong ia u nongshong shnong ban jied ia u nongialam uba kynsai bad kan pynlong iaka India ka ri kaba khlain haka synshar paidbah
La iadonlang ruh ha kane ka sngi naduh Arwotki Sumer, Secretary of Sein Raij Jowai, D V Lyngdoh, Additional Deputy Commissioner.
U Sangot, u nongpyrta shnong ha ka jaidbynriew Khasi Pnar kaba ka ophis u Chief Electoral Officer Meghalaya’s u pyndonkam kum u nuksa bad nongpynsngewthuh iaka jingkongsan ka jingthep vote ula shimbynta ha kane ka jingpynsngewthuh paidbah ha Jowai
La pyntip ruh ba ka ophis u CEO kala buh ka thong ban pynlong iaka election kaba khuid kaba suba kata-Clean and Green elections. Arngut na ki nongthep vote ba nyngkong kata kawei ka kynthei bad uwei u shynrang kin ioh iaka tynrai dieng bad kin thung ia u dieng haka polling station ryngkat ba ka kyrteng yn thoh ha u dieng.
Leave a Reply