Pynshlur u Ma Lahkmen iaki samla pule ban iakhun CUET haka jingsam M-Tab ha Amlarem

Syllad | The Rising MeghalayaMay 7, 2022

U Myntri ka tnad Pule Puthi ka Jylla u Ma Lahkmen Rymbui haka sngi Thohdieng ula sam ïaki M-Tab shaki khynnah skul kiba hap hapoh ka Amlarem Sub-Division ha ka jingialang kaba long ha Enowell Hall, Amlarem

Ka jingsam ia kine ki tablet kadei kaba hap haka skim digital learning aid ban iarap iaki khynnah bad ban kyntiew iaka pule dangle katkum ka juk mynta.

Ha kane ka jingsam ia kine ki tablet la donlang ka Kong AP Syiem, District School Education Officer, u Principal Nongtalang College u Dr KK. Kharkongor, ka SDO (Civil) Amlarem Sub- Division ka Kong YR Mawlong, u BDO ka Amlarem C& R.D Block u Dr. D. Lyngdoh nalor kiwei kiwei.

U Lahkmen Rymbui haka jingkren ula ong ka sorkar ka la pyrshang ban pynbiang ïaki jingdonkam ki khynnah skul katkum ka juk kaba mynta bad ula kyntu ïaki khynnah ban pyndonkam hok ïaki jingmyntoi ba la ïoh na ka sorkar.

Haba ïadei bad ka Common University Entrance Test (CUET) ula ong ka long kaba donkam bha namar lada kwah ban bteng ïaki jingpule kiba shakhmat ki khynnah ki hap ban pass ïaka test. Kum ki khynnah ki donkam ban pynkhreh ïaki Entrance Test bad ym dei ban tieng ne kynran dien hynrei ban trei shitom ban poi sha ka thong.