Pynskhem ka NPP Raliang iaka tnad ha Kyndongtuber

Syllad | The Rising MeghalayaMay 29, 2022

Ka National People’s Party (NPP) Raliang Block haka sngi Saitjain kala pynskhem iaki nongkitkam ka NPP Kyndongtuber Unit.

Ha kane ka jingpynskhem ia kine ki nongkitkam la iadonlang u MLA ka thain ma Coming One Ymbon, president NPP Raliang Block Ngaitlang Suchiang, secretary H Iakai, bad kiwei kiwei.

Ki nongkitkam ka NPP Kyndongtuber ki kynthup ia president Harbiwel Kyndait, vice president Moses Dkhar, secretary Ngaitlang Chyrmang, assistant secretary – Ma Everlastingson Pakma bad treasurer Rilinius War.

Ha kane ka jingjied nongkitkam la jied ruh iaki dkhot executive committee ka Kyndongtuber bad ha kane ka jingjied iaki nongkitkam ka party la shim iaka rai ban pynkhlain iaka party bad ban pynrung iaki dkhot sha ka party.

U MLA Raliang Ma Comming One Ymbon u la pynpaw iaka jingsngewkmen ba ka Party NPP ka la sdang ban suhthied ha kane ka shnong bad ki shnong ba marjan kiba don hapoh ka constituency jong u. U la kyrpad ruh ia baroh ki paidbah nongshong shnong ban ai biang ka jingkyrshan ia u sa shisien khnang ba un pynurlong iaki kam kiba dangsah kiba iadei bad ki kam pynroi.