Pynskhem ka WJSU iaka shnat ha Satpator

Syllad | The Rising MeghalayaNovember 23, 2024

Ka War Jaintia Students‘ Union (WJSU) haka 22 tarik Naiwieng kala jied bad pynskhem iaki nongkitkam ka Satpator Sub Circle haka shnong Satpator.

Ha kane ka sngi ki nongialam ka WJSU kiba kynthup ia u vice president, u S. Syngkor, bad u general secretary, u Everest R. Langstang, ki la pynlong ïa ka jingïalang bad ki samla na san tylli ki shnong kiba kynthup iaka Amtra, Amsohrhong, Amlanai, Satpator, bad Trangblang bad la pynskhem ruh iaki nongkitkam ka Satpator Sub Circle.

Ki Nongkitkam Ka Satpator Sub Circle:
President: Yomiki Syrti
Vice President: Waimon Swer
General Secretary: Heart Cassing Dkhar
Joint Secretary: Pormi Patwat
Finance Secretary: Strongpilar Dkhar
Joint Finance Secretary: Waiphang Pasyad
Education Secretary: Syemner Amse
Joint Education Secretary: Phulison Amse
Organising Secretary: Princely Langshiang
Publicity Secretary: Saman Shylla
Sports Secretary: Recomfort Pasyad
Environment Secretary: Bannangsan Dkhar

Ki Dkhot:
Shirup Amse
Formost Manner
Rishot Dkhar
Ame Khaii
Never Shylla
January Shylla
Elvin Tongper

Ha ka jingialang, u S. Syngkor u la kyntu ïa ki samla ban long kiba akor bad ba don burom ha ka jingïaid lynti ban shakri ïa ka dong bad ka thain. Katba na kaliang u Everest Langstang, haba pynskhem ïa ki nongkitkam, u la pynshai ba ka seng ka dei ban shakri ïa ka thain ha baroh ki liang bad ban kyntiew ïa ka pule puthi kaba dei u budlum ka roi ka par.

U Everest Langstang u la iathuh ruh ba ka seng kan trei lang bad ka WJSU Central Body ban pynbor ïa ka sorkar ban pynsted ïa ka jingpyntreikam ïa ka Leshka Hydel Power Project bad ban kyntiew ïa ka kamai kajih da kaba plie ïa ka transit point ha Dawki Land Customs Station ha Muktapur ban shalan mawshun sha Bangladesh.

U president ka Satpator Sub Circle, u Yomiki Syrti, u la ong ba khlem ka jingïatreilang jong ki samla, yn ym lah ban pynurlong ïa ki jingthmu ban kyntiew ïa ka dong bad ka thain. U general secretary ka Sub Circle, u Heart Cassing Dkhar, ha ka jingkren pynwai jong u, u la kyntu ban trei shitom na ka bynta u paidbah ka thain baroh kawei.