Pynsngewthuh ka JHDS iaki jingktah ka shongkha khynnah ha Thadsning
Ka Jaintia Hills Development Society (JHDS) ryngkat ka jingiatreilang ka District Social Welfare, West Jaintia Hills District haka 7 tarik Rymphang kala pynlong iaka Awareness Program halor ka phang ‘Ka jingma jong ka jingshongkha khynnah’ ha ka shnong Thadsning.
Iaka jingialang la pyniaid da u Ma Francis Langleiñ uba long u Field Program associate ka JHDS haka jingwan iashim bynta 44 ngut ki samla kynthup katto katne ki longkmie katei ka shnong.
La donlang u Coordinator ka JHDS u Bah Denis Kurkalang, u President ka Seng Samla Catholic Mihmyntdu u Francis Phawa, ka Kong Amabilis Lamare, President Iasnohktilang VO bad kiwei de ki sahep sorkar.
La ioh ka jingkren pynshai halor ka phang da ka Kong Yohi Kyndait Gender Specialist ka tnat Social Welfare kaba la ban jur halor ki katto katne ki jingktah ka shongkha khynnah kiba kynthup ka jingktah haka met ka phad, ka jingmut jingpyrkhat nalor kiwei kiwei.
Ka Kong M.L Suchiang Assistant Legal Aid Defence Counsel jong District Legal Service Authority, ka la batai shai halor ka Free legal aid bad ka Prohibition of Child Marriage Act 2006.
La ioh ruh ia ka drama lyngkot halor ka phang ia kaba la shim bynta da ki para-legal volunteer Jowai Unit.
Facebook
Instagram
Youtube
Twitter
Leave a Reply