Pynsngewthuh paidbah ka JHDS ban iakhun pyrshah drok bad shah ban bein ki kynthei

Syllad | The Rising MeghalayaFebruary 2, 2025

Kum shibynta ban wanrah ia ka shongsuk shongsain bad iada ia ki riew kynthei na ka jingshah lehbein, ka Jaintia Hills Development Society (JHDS) ryngkat ka jingiatreilang ka YESS Meghalaya West Jaintia Hills bad ka Seng Samla Katholik Mihmyntdu, ki la pynlong ia ka awareness program ne ka jingpynsngewthuh paidbah ka ba shisngi halor ka phang ki Jingma jong ki jingdih pynbuaid (The Ill-effect of Substances Abuse) ia kaba la pynlong ha ka Shnong Mihmyntdu ha ka 31 tarik u Kyllalyngkot.

Ha kane ka prokram la shim bynta da ki 40 ngut ki samla kynthup katto katne ki longkmie katei ka Shnong.

Ia ka jingialang la pyniaid ka u President ka Seng Samla Balang Katholik Mihmyntdu u Ma Francis Phawa ha ka jingiadonlang u Coordinator ka JHDS u Bah Denis Kurkalang, u Fr. Manbha Pakem Director ka JHDS bad kiwei de ki Ophisar Sorkar.

La ioh ia ki jingai jingkren bad jingpynshai halor ka phang na u Bah Anthony Syiemiong u ba long u Director ka Manbha Foundation, kumjuh ruh ka Kong B. Majaw kaba long ka Secretary District Legal Service Authority, kaba la batai shai halor ki lad ki lynti ban ioh jingiarap ha ka liang ki kam kiba iatyngkhuh bad ka ain.

Haba kut jong katei ka prokram la ioh ruh ia ka drama lyngkot halor ka phang ia kaba la shimbynta da ki dkhot jong ka Seng Samla Balang Katholik Mihmyntdu.