Pynsngewthuh paidbah ka ophis u BDO Laskein bad ka Mynso PHC halor ka tika COVID-19 ha Kyndongtuber
Ka ophis u Block Development Officer (BDO) Laskeiñ ha ryngkat ka jingïatreilang ka tnad Medical & Health Officer, Mynso PHC kila pynlong ïaka jingïalang pynsngewthuh halor ka jingai injek tika COVID-19 haka shnong Kyndongtuber haka sngi Thohdieng.
Ia kane ka jingpynsngewthuh paidbah la ai iaki dkhot ka Village Covid Management Committee jong ka shnong Kyndongtuber, ki khlieh nongïalam niam, ki President bad Secretary jong ka Village Organization Kyndongtuber
![](https://www.syllad.com/wp-content/uploads/2024/09/JIT-Vacancy-823x1024.avif)
La ïoh ïaka jingbatai bniah halor ka jingai injek tika COVID-19 da ka Dr.R. Inbuon, Medical& Health Officer Mynso PHC.
Hadien ka jingbatai bniah ka la don ruh ka jingphylliew jingmut bad ki nongïashim bynta kiba la kylli halor kiba bun ki jingkylli bad la pynshai ïaki jingkylli jong ki da ki doktor.
![](https://www.syllad.com/wp-content/uploads/2021/06/KyndongTuber.jpg)
Ka doktor ka ïathuh ba la bun ki nongshong shnong haki shnong kiba hap hapoh ka Mynsoo PHC kiba la wan shakhmat ban ai tika.
Ha kane ka sngi ka donlang ruh u BDO jong ka Laskeiñ u Dr Brightstar Langbang, u Waheh shnong ka Kyndongtuber u Ma Shiva E. Siangshai bad kiwei kiwei.
U BDO ula kyntu ïaki nongshong shnong ka Kyndongtuber kiba la dap 18 snem shaneng ban wan shakhmat ban ai ïaka tika khnang ban kin ïoh jingïada bad lait na ka jingshah ktah jur na u khñiang COVID-19. Ula ban jur iaki nongshong shnong ban deng thikna ïaki mask bad ban bud ïaki kyndon ïada na jingïabit COVID.
Leave a Reply