Pynsngewthuh paidbah ka Social Welfare halor ka aiñ RpWD ha Mairang

Syllad | The Rising MeghalayaSeptember 8, 2022

Kum shibynta ban ai jingpynshai sha ki nongtrei ASHA bad Anganwadi halor ka ain kaba iadei bad ki nongshongshnong kiba don jingduna ha ki dkhot met, kata, ka Rights of Persons With Disability Act, ka Composite Regional Centre for Skill Development, Rehabilitation and Empowerment of Persons With Disabilities, Shillong (CRC-Shillong) kaba long kawei na ki shnat treikam jong ka tnat Social Justice and Empowerment ka sorkar India ha ryngkat ka jingiatreilang bad ka ophis jong ka State Resource Centre for Disability Affairs, ka Commissioner of Persons With Disabilities bad kumjuh ka tnat Social Welfare bad ka tnat ka koit ka khiah jong ka sorkar jylla hynne ka sngi ki la pynlong ia ka prokram ai jinghikai bad jingpynshai halor ka phang ‘Disability & Rights of Persons With Disability Act’ ha Tirot Sing Memorial Hall, Pyndengumiong, Mairang.

Ki nongtrei ASHA bad Anganwadi ka thain kiba la wan sha kane ka prokram jingpynshai kaba shisngi ki la ioh jingpynshai halor kiba bun ki bynta jong ka ain kaba iadei bad ki nongshongshnong kiba don jingduna ha ki dkhot met na ki riewshemphang halor kane ka mat kiba kynthup ia u Bah R. J. Wahlang uba long u Physiotherapist, i Kong I. Shadap iba dei I Clinical Psychologist, i Kong I. Wahlang iba dei i Lecturer ha CRC Shillong bad i Dr. M. Nongphud iba dei i Pathologist.

Ha kane ka prokram ai jinghikai kaba shisngi, la ioh ruh ia ka jingkren na  u ophisar ba dei khmih ia ka CRC Shillong, u Ram Shakal Sahani bad u coordinator  ka CRC, Shillong, u Akshay Kumar.  (SDPRO, Mairang)