Pynsngewthuh paidbah ki Pulit Jowai bad ki seng treimon sngewbha ban iakhun pyrshah drok
Ka ophis jong u Superintendent of Police, West Jaintia Hills haka sngi Saitjain kala pynlong iaka jingpynsngewthuh paidbah ban iakhun iaka jingkyrni haka jingdih ia u drok bad khaii beain.
Ia kane ka jingpynsngewthuh paidbah la pynlong ha Iawthymmei, Ladthadlaboh, Jowai haka jingialamkhmat u Officer Incharge Jowai Police Station S Mannar.
La iatreilang bad ka Mihmyntdu Community Social Welfare Association, (MCSWA) kaba pyniaid iaka project ka Meghalaya Aids Control Society kaba la tip kum ka Targeted intervention ne ban iit bniah ia ki briew kiba don haka jingma (highrisk group) kum ki ba kyrni ha u Drok bad kiba shongkha klumar kiba tip kum ki IDU bad FSW kiba lah ban bit iaka jingpang HIV.
Ha kane sngi la ioh ruh ka jingkren na u dkhot ka MCSWA u H Syngkon uba la kren halor ka jingshem jong u bad kumno ruh u la lah ban lait na ka jingkynjri jong u drug. Kong D Challam kala batai ia ka trei kam jong ka MCSWA bad ruh ia u dawai ban lait na ka jingkyrni ban dih ia u drug.
La ioh ruh ka jingkren na u OC Jowai ma S Mannar, OC Women PS, Ibashisha Kharpran, traffic incharge, D. Lamare bad kiwei kiwei
La sam ruh iaki kot lyngkdop ban batai sha iaka jingma bad jingsniew u drok.
Facebook
Instagram
Youtube
Twitter
Leave a Reply