Pynsniawthuh ka Dorbar Chnong Chilliangraij wow yakhun yaka plastic
Ka Dorbar Chnong Chilliangraij chirrup I yakrehlang ka School Managing Committee kam chibynta wow lehburom yaka bei rymaw nae ka World Environment Day 2024 haka phang ‘Beat Plastic Pollution’ ha ka 3 tarik Naiynnru da pynman ki ya ka prokram kypang wow yaklam pynsniawthuh ya ki khynnah skur wa ki nongchnongchnong chaphang I tynjooh wamih nei pynemkam ya ki Plastic.
Ya kani ka prokram dawan chimbynta da ki khynnah skur ka Chilliangraij SSA UPS, Chilliangraij Govt. LPS, Loompyrdi Iongpiah UPS SSA wa ka Pohmusiang SSA UPS deilang ki manbei manpa ka Dorbar Chnong Chilliangraij.
![](https://www.syllad.com/wp-content/uploads/2024/09/JIT-Vacancy-823x1024.avif)
U DH Pde, Waheh Chnong Chilliangraij kam u chongknor iong kani ka prokram da e u ki kyntien yahkhmat hajrong ka thong iong kani ka sngi wei khana batai u leh chaphang I man I long ka Rymaw wa ki soodong sookun iongka neidaw I pynemkam u bru pyrthai ya ka Plastic ha ki dur ki rukom wapher iwa ye u booh jingma ya ka patein wa daw wan.
Chooh chooh da kyrsu kyntu u ia ki paidbah wow man kiwa khyrngiat iongbru neini chakhmat dei wow yait nae u dam noh u pynemkam ya ki Plastic wei wow leh ya ki kam wapher hei wow yada pynneh pynsah yei man wa ioosuk ioopyngad ki soodong sookun ka Bei Rymaw.
Ki bru stad bru chemphang kiwa da e I klam I batai heiyatoh wa ka thong iong kani ka prokram toh ka Naphisaka Ryngkhlem, District Coordinator, DSBM Grameen, EE-PHE, West Jaintia Hills, kawa da klam chaphang I chah ktah ki soodong sookun ka Rymaw neidaw iong ka Plastic Pollution, Air Pollution, Soil Pollution wa ka Water Pollution, u Wanphrang Pyngrope, Surveyor Water Resource Department, West Jaintia Hills District uwa da klam da batai chaphang ka Rain Water Harvesting, ka Roof Top Water Harvesting wa ki lad yarap kiwa ye u ioh na ka tnat krehkam iong ka Water Resource katwa u SD Laloo, General Secretary LDCJ da klam batai u chaphang ka chnong Jwai wei man kyrpang iongka heiyatoh wa ka Bei Rymaw.
Ya kani ka prokram da pynchooh pynchongchit leh da I rwai na ki khynnah skur ka Chilliangraij UPS & LPS katwa hei pynkut wan ka Malborene Nikhla, Head teacher Chlliangraij Govt. LPS da e ko ki kyntien khublei wei pybood wan I thung ya ki tredien ha ki thaw wa em hapoh u pud u ang ka Dorbar Chnong Chilliangraij.
Leave a Reply