Pynthikna ka Sorkar ban pyndep noh ia ka ïingskul Aruakgre RMSA ha u Naitung

Syllad | The Rising MeghalayaJune 17, 2024

Ka sorkar Jylla ka la pynthikna ba kan pyndep noh halor ka jingtei ia ka RMSA Higher Secondary School ha ka shnong Aruakgre, North Garo Hills ha une u bnai Naitung u ban wan.

Ha u kyrwoh ba la pynmih da u Director of School Education ha ka 17 tarik mynta u bnai la ong, “Ka sorkar Meghalaya ka ieng ha ryngkat baroh ki nonghikai bad ki khynnah pule jong ka jylla.”

“Ngi la shim ia baroh ki sienjam ban weng ia ki jingeh jong ki khynnah skul bad ki nonghikai ha ka shnong Aruakgre, North Garo Hills, bad ngi pynthikna ba ngin lah ban weng ia baroh kine ki jingeh.”

 “Ka jingtei ia ka iingskul ka RMSA Higher Secondary School ha ka shnong Aruakgre ka dei kaba la mynjur ha ka jinglut kaba long T. 97.04 lak.Ngi kwah ban pyntip sha ki paidbah nongshong shnong ka NGH bad ka Jylla ba ia kane ka projek ka la poi sha ki bynta ban pyndep bad ia kaba yn lah ban pyndep noh ha une u bnai Naitung 2024,” u la ong ong.

Nalor kata u Director u la pyntip ruh ba ka jingpyndep ba dang shen ia ka surok PMGSY hajan Gokol ka la pynbha shuh shuh ia ki lad pyniasoh bad ka shnong Aruakgre. Kane ka jingpynioh ia kane ka surok bad ia kane ka jingtei jong ka skul ka ban pyndep shen ha une u bnai ban wan ka pyni ia ka jingkut jingmut jong ka sorkar ban pynthikna na ka bynta ban pynioh ia ka pule puthi kaba biang.