Pynthikna ka Tnad ka Koit ka Khiah ba shah ktah uwei na ka jingpang JE ha Khanduli

Syllad | The Rising MeghalayaSeptember 6, 2024

Ka Tnad ka Koit ka Khiah ka Sorkar Jylla ka la pynthikna halor ka jingshah ktah jong uwei u briew ha ka jingpang Japanese Encephalitis (JE) ha ka shnong Khanduli, West Jaintia Hills District, ha khappud ka Jylla Assam-Meghalaya

Ia katei ka jingpang la pynthikna da ka jingwad bniah (vector study) kaba la leh ha Khanduli, ka shnong kaba don ha khappud bad ka West Karbi Anglong (Assam).

“Kaba kham sngew syier ka long ba ka jingwad bniah ia ki khniang jingpang la lap ia ka jingbun ki khniang bad ki skain pyrtong Culex ha katei ka jaka,” ong ka tnad ka koit ka khiah ka Jylla.

Ka kynhun jong ki entomologist ka la shim ruh ia ka kabu ban pynsngewthuh sha ki longïing longsem bad ki briew ha katei ka thain shaphang ka jingma bad ki lad jingiada kiba lah ban shim na ka bynta ban iada na ka jingma jong kane ka jingpang JE.

Ka Khanduli SC, kaba don tang ha shiliang jong ka Karbi Dispensary kaba la iehnoh shrah ka la sakhi ia ka jingma kaba jur na ki jingpang ba ioh na ki khniang jingpang.

Halor ki lad jingiada, ka Tnad ka la pynpaw halor ka jingdonkam ban pynkhuid ia ki um kiba sahkut, ban pyndonkam ia ki musari bad ban synreit man ka por d ki dawai pyniap khniang.