Pynthikna u CM ba kan ym pat don ka jingbujli ia ki Myntri Sorkar ia mynta

Syllad | The Rising MeghalayaAugust 20, 2024

U Myntri Rangbah ka Jylla u Conrad K Sangma haka 19 tarik Nailar ula pynthikna ba kan nym pat don satia kano kno ka jingbujli ia ki Myntri Sorkar ia mynta.

“Em, kam pat don satia ia mynta hi. Ngi don beit kumne kumba ka long mynta bad ngin iai bteng ban trei kumba ngi don mynta” ong u Conrad haba kren sha ki lad pathai khubor.

Kane ka jingpynpaw jong u CM kala pynkut noh syndon ia ki jingmutdur ba kan don ka jingweng noh ia uwei na ki arngut ki Myntri Sorkar na ka United Democratic Party (UDP) hadien ka jingwan pyniasoh jong ki lai ngut ki MLA ka Seng Congress sha ka NPP.

Kumba ka long mynta ka NPP ka la ioh ia ka jingbun paid kaba pura da ka jingkiew ha ka jingdon jong ki MLA na ka 28 sha ka 31 ngut hadien ka jingwan pyniasoh jong kine ki laingut ki MLA ka Congress.

Katkum ki khubor la kynnoh ba na ka liang u Myntri Rangbah u la kular ban ai shuki Myntri ia uwei na kine ki laingut ki MLA.

Hynrei, na ka liang u Conrad ula pyntip ba kine ki laingut ki MLA ka Congress kila wan iasoh sha ka NPP khlem kano kano ka jingbuh kyndon, bad ka jingshim rai ka jong ki ka dei beit kaba la shim tang halor ka nongrim jong ki kam pynroi ka ba kin ai sha la ki jong ki constituency.