Pynthud ki samla pule IIM Shillong ïa ki marjan marpa: KSU
JOWAI: Ka Khasi Students’ Union (KSU), Nongthymmai Circle kala kynnoh ba ki samla pule ka Indian Institute of Management (IIM) Shillong kila pynlong ïa kane ka jaka kum ka jaka leh tamasa ha kaba kila pynthud ïaki marjan marpa da kaba tem ïaki sur jingrwai baroh shimiet.
Ka KSU Nongthymmai kala pynpaw ba kala ïoh ka jingujor na kiba sah marjan bad ka IIM ba ki samla pule kane ka jaka pule ban pyntbit haki line bapher bapher kila leh khlem akor bad pynlong jaka leh tamasa ïa kane ka jaka pule da kaba tem sur jingrwai baroh shimiet kaba la pynthud ïa kiba bun ki samla pule kiba pynkhreh ïaki eksamin bapher bapher.
![](https://www.syllad.com/wp-content/uploads/2024/09/JIT-Vacancy-823x1024.avif)
Ki nongialam ka KSU; u Eric Nongkynrih bad u Richard Mawkhiew kila leit ïakynduh ïaki bor ba dei peit kane ka jaka pule. Kine ki nongialam ka KSU kila kynnoh ba ki samla pule ka IIM ki pyni shaka pyrthei ïaka akor kaba sniew da kaba dih sikret bad ym burom shuh ïaki ba ïaid ba ieng na katei ka jaka nalor ka kam tem sur ha ka por mynmiet.
Ka KSU ka ong ka IIM kadei ka jaka pule kam dei ka jaka leh tamasa bad kala dawa na ki bor pyniaid ban pynbeit ïaka akor ka burom ki samla pule ka IIM bad nangne shakhmat ka KSU kan ïai budien ban pynbeit ïaka akor ka burom ki samla pule kane ka jaka pule.
Leave a Reply