Pynthymmai nongkitkam ka Rotary Club Jowai

Syllad | The Rising MeghalayaOctober 10, 2021

Ka shalyntem jong ka jingtreikam bad jingshakri ka Rotary Club Jowai hapoh ka Rilum Jaintia mynta u snem ka la kynjoh sha u mawmer ba 26 snem, kumta kumba ju long man la u snem haka 9 tarik Risaw 2021 ruh la don ka jingïakynduh lang ba kyrpang ha Newhill Loomsooiung Community Hall ban pynthymmai ïa ki nongkitkam ka seng na ka bynta ka samoi treikam jong u snem 2021-22.

La wan ban ïa donlang ruh da u Rtn. Kishan Tibrewalla (MPHF) Assistant Governor kum u kongsan ha kaba ïa ka jingïalang la phiah ha ki ar bynta, shibynta ba la pynïaid da u Rtn. S.K.Lato, MPHF, President Rotary Club Jowai bad la ïoh ruh ka jingpule ïa ka report treikam jong ka seng da u Rtn. Samehi Laloo, Secretary Rotary Club Jowai 2020-21 katba u Rtn. J.M.Pohsngap ha ba kut ka jingiakyndulang u la ai ki kyntien khublei.

U Rtn. S.K.Lato haba kren ai mynsiem ïa ki nongkitkam ba thymmai kumjuh ïa ki dkhot baroh u la kyntu jur ïa ki dkhot ka Rotary Club Jowai ba kin trei da ka mynsiem jong ka jingïasngewthuh jingmut, jingïatylli bad jingkitkhlieh ym ban long ki dkhot ka Rotary ba kut tang ha ka ktien katba ha ki kam pat ym don ei ei.

Ïa ka jingpynskhem ïa ki nongkitkam ka seng la pyndep da u Rtn. Kishan Tibrewalla (MPHF) Assistant Governor bad haba ai jingkren kum u kongsan ula ai khublei ïa ki nongkitkam barim bad ruh ula kitbok kitrwiang ïa ki nongkitkam ba thymmai ba kin shimkhia ban leh bad pyndep ïa ki kam kat kum ka thong jong ka Rotary of International ki ban long ka jingmyntoi ïa ka imlang sahlang jong ki nongshong shnong la ka long ha ka pule puthi, ka koit ka khiah, ka khuid ka suba bad ha kiwei kiwei ki bynta.

Ki nongkitkam ba thymmai ka Rotary Club Jowai na ka bynta ka samoi jong u snem 2021-22 hapoh ka jinglamkhmat u President Rtn. Montri Passah ki long u Rtn. Kamwada-e Syngkon, Vice-President Rtn. Mewothi Gatphoh, Tresurer Rtn. Lakhon Laloo, Sergeant at Arms Rtn. Yoophrangki Laloo, Foundation & Club Trainer, Rtn. Ester F.Gatphoh MPHF, Club Service Rtn. D.F.Majaw, Community Service Rtn. Longda Bamon, Vocational Director Rtn. Deibormi Toi, Club International Director Rtn. B.Lytan, Youth Service Director Rtn. Remington Pala, Bulletin Director Rtn. S.K.Lato MPHF.