Pyntip lada don jingpynjulor ka ‘eriong Yass

Syllad | The Rising MeghalayaMay 26, 2021

U Deputy Commissioner bad Chairman, District Disaster Management Authority, East Jaintia Hills District ha ka khubor ba u phah shangi u pynbna paidbah ba na ka daw ka jingdon ka Cyclone “Yass” ha Bay of Bengal ka la wanrah ia ka jingjur u slap ha kane ka District. U la kyntu ruh ia ki paidbah ba kin ia treilang bad ki briew jong ki tnat sorkar ha ki shnong jong ki khamtam ki Gram Sevak jong ka ophis ki Block Development Officer ha ki shnong jong ki ha ka ban pyntip kloi kloi lada don kano kano ka jingshah pynjulor na ka daw ka mariang hapoh ka shnong ka thaw jong ki, khnang ban lah ban ai jingiarap ia kito ki longing kiba mad ia kum kita ki jingeh.

Shuh shuh, u la pyntip ba na ka bynta ban ioh ka jingiarap ka ba kham kloi, kito shnong ki ba hap hapoh ka Khliehriat C&RD Block ki lah pyntip da ka ba phone ha u number. 9615044890 bad ki shnong ki ba hap hapoh ka Saipung C&RD Block ki lah ban pyntip da ka ba phone ha u number. 8837469658.

Ka jingiatreilang jong ki paidbah ha ka ba iadei bad kane kan wanrah ia ka jingmyntoi ia ka shnong bad ia ka District hi baroh kawei