Pyntip u CM ba ka Sorkar kan bishar bniah halor ka suba jingpang Polio ha ka Jylla

Syllad | The Rising MeghalayaAugust 20, 2024

Myntri Rangbah ka Jylla u Conrad K Sangma haka 19 tarik Nailar ula pyntip ba un sa khot ia ka jingialang bishar kam ha kaba iadei bad ka khubor suba khie biang ka jingpang Polio ha Meghalaya hashwa ba un kren eiei shaphang kane ka bynta bad ruh ban pynkhreh halor ki sienjam ban shim.

“Ngi dang bishar bniah ha kaba iadei bad kan ka phang. Ka dei ka kam kaba khia shibun bad ngi donkam ban long kiba phikir bha” ong u CM haba kren sha ki lad pathai khubor.

“Ngan sa khot shen ia ka jingialang ha kine ki khyndiat sngi ban wan bad hadien kane ngan sa lah ban ai ia ka jubab kaba biang halor ka jinglong jingman baroh” ula bynrap.

Uwei u khynnah uba dang 2 snem na kawei ka shnong kaba pajih ha West Garo Hills District, ula ioh ia ka jingpang Polio, kaba la pynlong ia ki bor ka tnad ka koit ka khiah ban hiar mardor na ka bynta ban pynlong ia ka jingtohkit.

Na ka liang ka Health Organisation kala pynbna ia ka Meghalaya kum ka Jylla kaba la lait na ka jingpang Polio ha u snem 2014, bad ka jingjia kaba khatduh eh ka dei kaba la shem ha u snem 2011, ki la ong.