Pyntip u DC EJH ba lah ban thaw iaki kynhun cooperative ban tih dewiong

Syllad | The Rising MeghalayaSeptember 15, 2023

U Deputy Commissioner ka East Jaintia Hills District haka sngi Palei u la pyntip ba la shah na ka bynta ka kam tih dewiong lyngba ka juk jingstad saian ne ‘Scientific Mining’ da kaba thaw iaki kynhun cooperative na ka bynta ki nongkhaii ki rit hapoh ka district.

Kumta ruh na ka liang une u heh ka district u la aijingmut na ka bynta ban thaw ia ki kynja kynhun da ki nongtrei par kiba rit khnang ba kin lah ban aplai ia ka  Prospecting License ne Mining Lease na ka bynta kane ka kam tih dewiong lyngba ka scientific mining hapoh EJHD. 

U la ong ruh ba kine ki kynhun ki lah ban ioh ia ka jingbit na ka bynta kane ka kam tih par katkum ka juk da kaba bud ryntih ruh ia baroh ki kyndon kiba iadei bad ki mariang bad kiwei pat ki bynta.

Kane u la ong ba kan iarap ban pynioh pat ia ka kamai kajih bad ka kabu na ka bynta kito kiba la ju pyntrei ha kane ka kam dewiong ha ki por kiba la dep.