Pyntip u Lamphang ba ka Dorbar ka ban wan kan long noh ha ka iingdorbar bathymmai

Syllad | The Rising MeghalayaMarch 4, 2025

U Lamphang ka Iingdorbar Thaw Ain ka Jylla u Thomas A Sangma ha ka 3 tarik Lber u la pynthikna ba ka jingialang dorbar ka ban wan kan sa long noh hapoh ka Iingdorbar Thawain bathymmai ha Mawdiangdiang.

“Nga pynthikna sha phi ba ngi la pyrshang ban leh ia kaba bha tam khnang ba ngin lah ban pynlong noh ia ka dorbar ka ban wan ha ka jingtei kaba thymmai,” ong u Thomas haba kren sha ki lad pathai khubor.

Haba pynpaw ba ka jingpyntrei ka dang iaid shakhmat, u Lamphang u la ong, “Katba nga dang kren mynta ka jingpynkhreh ka la iaid shakhmat ban sdang pyntrei ia ki kam kiba dei shapoh jong ka main hall.”

Ula ong ruh ba ka jingtap iaka tnum pyllon kan shimpor sa katto katne, ha kaba ka khliehduh kan long kaba itynnad bad hap ban pynkiew bad ka jingkhia ka long 2 ton.