Pyntrei torti ki VECs iaka skim bylla 100 sngi ong ka FKJGP

Syllad | The Rising MeghalayaAugust 6, 2020

Ka Federation of Khasi Jaintia and Garo People’s (FKJGP) kala kynnoh ba kala lap ba ki bun ki Village Employment Council (VEC) kila pyntrei torti iaka skim bylla shispah sngi ne ka MGNREGS ha Rilum Jaintia.

‘”Karkum ka jinglap jong ka seng hadien ba kala leit jurip sha ki VEC’s ka don shi bun ka jingduna haka rukom pyntrei bad la lap ba VECs ki shu trei tang dep bad kam iahap ka jing lut jingsep bad ka rukom pyntrei bad ki shu pyntrei da ki tiar ki ba tad naduh ki maw ki shyiap bad dei na kane ka daw la lap ba ki jingtrei kiba la dep trei ki julor tang hapoh lai saw bnai,” la ong u Tuesday Lytep president FKJGP.

Une u nongialam ula ong ba ki don ruh ki VECs kiba la pyntrei kam hok ia kane ka skim bad kane ka ai jingmyntoi iaka shnong ka thaw bad ka imlang ka sahlang.

Ka FKJGP kala kyntu ia baroh ki ophis jong ki block development officer ha rilum Jaintia ba kin bud dein iaka jingpyntrei iaka scheme 100 sngi MGNREGA hadien bala pyllait iaki work order sha ki VECs bad ki BDO kim dei ban shu pdiang beit iaki bill kiba ai ki secretary, hynrei ki dei ruh ban leit jurip shwa sha jaka trei khnang ban jop ka jingthmu jong ka skim.

Ïoh jingkieng doi doi ka shnong Musiaw ba shongdor T.23 Lak tam

Ka bor synshar district ruh lyngba ka DRDA ka dei ban jurip khnang ba kino kino ki projek kin nym sah kut bad ba ki VECs kin nym ioh lad ban pyntrei torti ia kane ka skim kaba dei ka skim ban kyntiew iaka ioh ka kot jong ki nongshong shnong.