Pyrshah CAB ym treh ‘Republic Day’ u MLA ka KHNAM

Syllad | The Rising MeghalayaJanuary 25, 2019

SHILLONG: Kum ka dak ka jingpyrshah jur ïa ka Citizenship Amendment Bill (CAB) 2016, u MLA ba marwei ka KHNAM na Shillong North ym treh ïashimbynta haka Republic Day lashai.

Ula ong ba ka CAB ka long pyrshah ïa ka Constitution jong ka Ri India namar ka ailad ïa ki briew jong kiwei ki ri ban long nong India halor ka nongrim ka niam. Ka BJP ka leh khlieh shrieh ban ïoh vote, u la bynrap.

U Bah Adelbert ula ther tyngeh ïa ka UDP kaba pyllut kai ïa ka por ban ïatai halor u kyrtong ïamonlang ha ka jaka ban peit ïa ki ishu kiba ktah ïa ka iap ka im ka jaidbynriew.

Ula kyrpad ia ki paidbah ban wan sha ka rally jong ka Confederation Of Hynniewtrep Social Organizations (CoHSO) ha Madan student, Jaiaw ha ka 31 tarik Kyllalyngkot 19.