Pyrshah jur ka HYC ban ithuh ïaki Tiwa kum ki kynhun rit paid

Syllad | The Rising MeghalayaAugust 22, 2019

SHILLONG: Ka Hynniewtrep Youths Council (HYC), Ri Bhoi District kala pynpaw ka jingpyrshah kaba jur ia ka jingdawa ki jaidbynriew Lalung (Tiwa) kiba kam ïalade ba ki dei ki ritpaid bad ban ithuh noh ïa ki kum ki rit paid Schedule Tribe.

U Hercules Suting, General Secretary HYC, Ribhoi District ula ong ba ka HYC ka pyrshah ia kane ka jingdawa jong ki jaidbynriew Lalung (Tiwa) ban ioh jingithuh kum ki rit paid bad ka HYC ka pynrem ruh ia ka jingshim khia jong u MLA ka Mawhati ban pynksan ia ka jingdawa jong ki .

“Ngi iohi ba u MLA ka Mawhati u ong ha ki khubor ba lada kita ki Tiwa ki ioh ST kan ym ktah ia ka jingioh kam ki Khasi Jaintia bad Garo katkum ka reservation policy.. ka seng ka kwah ban iathuh ia u MLA ka Mawhati ioh kumno re kumno um tip ba ka hok jong ki jaidbynriew ba ioh Schedule Tribe kam kut tang ha ka reservation policy, hynrei kin ioh thied khyndew katkum ka Meghalaya Land Transfer Act,” la ong u Hercules bad bynrap ba kin ioh bhah ha ka reservation policy jong ka central government na ka bhah ki ST, kin ioh bhah na ka 44 % job reservation ha ki grade C bad D jong ka central government ha Meghalaya.

Nalor kata ki lah ban lait siew income tax, ki la ban ioh thep vote bad long MDC namar ka AD rules jong ka KHADC bad JHADC ki shah lada ki long ki ST, kila la lait na ka aiñ Trading by Non Tribal jong ki district council bad kiwei kiwei.

Ka HYC kala pynpaw ba tang namar ba ki la sah slem ha them Ribhoi Kam mut ba ki la dei ki trai muluk bad dawa na u MLA ka Mawhati ba u dei ban wengnoh ka jingkyrshan ia ka jing dawa ST ki Tiwa bad ym dei ban leh politik ïa kane ka kam.