Pyrshah jur ka Raij Namdong bad Elaka Nongjngi iaka jingkhot jingialang ka AO JHADC ia u nongpeit ka shnong Thadmynri

Syllad | The Rising MeghalayaNovember 23, 2024

Ka Dorbar Raij Namdong ryngkat ka Elaka Nongjngi haka step 23 tarik Naiwieng kila pynlong ka jingialang ba kyrkieh ban pynrem bad pyrshah iaka jingthmu khot pynlong dorbar ka Admistrative Officer (AO) Jaintia Hills Autonomous District Council (JHADC) ia u nongpeit ne Caretaker ka Thadmynri haka 25 tarik Naiwieng.

Kumban shu pynkynmaw ba ka JHADC haka jingpynbna bala pynmih haka 7 tarik Risaw (October) 2020, ka shithi NO.JHADC/POL/33/2014/20 ka ong ba ka ka Executive Committee Jaintia Hills Autonomous District council Jowai ka ong ba ka shnong Thadmynri ka hap hapoh u pud sam jong ka Elaka Nartiang. Ka konsil ka ong ba naduh bala pynmih iaka pynbna ka Shnong Thadmynri kan hap hapoh ka jingpeit jong u Dolloi ka Elaka Nartiang.

“Ngi pyrshah iaka jingleh jong ka JHADC ban pynlong iaka dorbar na ka bynta ban rah noh iaka Thadmynri shapoh ka Elaka Nartiang namar ka shnong Thadmynri ka dang hap hapoh ka jingpeit jingkhmih jong ka Elaka Nangjngi bad ka Raij Namdong,” la ong u waheh Raij Namdong.

U Dolloi Nongjngi u Ma Copiousness Daw ula ong ba um don jingtip bad um ioh jingtip eiei halor kane ka bynta bad ka jingleh jong ka konsil ka long ruh kaba sngewkhia namar ka shnong Thadmynri ka hap hapoh ka Elaka Nongjngi.

Nalor kata ka Dorbar Raij Namdong ryngkat ka Elaka Nongjngi ki pynpaw ka jingpyrshah iaka dorbar u Cartaker namar ba iaka kam pud Elaka jong ki ar dolloi ym pat lah ban pynbeit haduh mynta bad la dawa ban pyndep shwa iaka jingpynbeit ia u pud u sam ki Elaka.

Pynbna ka JHADC ba ka shnong Thadmynri ka hap ha Elaka Nartiang