Pyrshah ka Chyrmang Neiñ iaka tamasa Syntu Ksiar

Syllad | The Rising MeghalayaMarch 22, 2021

Ka Dorbar Shnong Chyrmang Neiñ haka sngi Nyngkong kala leit ïakynduh ïa u Additional Deputy Commissioner ka West Jaintia u PK Boro ban ujor haba ïadei bad ka jingthmu jong ka shnong Panaliar ban pynlong ïaka tamasa kaba tip kum ka “Syntu Ksiar Musical Concert” haka jaka kaba khot ka Ïong ka Skot.

Ka Dorbar shnong Chyrmang Neiñ haka jingujor ka la kam ba katei ka jaka Ïong Skot ka dang hap hapoh u pud u sam jong ka Dorbar Shnong Chyrmang Neiñ bad ïaka tamasa la thmu ban pynlong khlem ka jingïoh bor ne NOC na ka Dorbar shnong Chyrmang Neiñ kaba dei ka

Haba ïadei bad kane, na ka liang u P.K.Boro Additional Deputy Commissioner ula kular ban shimkhia khnang ban lait na kano kano ka jingklumar.

Ki nongïalam shnong haba ïakren bad ki lad pathai khubor ki la pynpaw ka jingsngew phylla hadien ba ki la ioh jingtip ba ka Dorbar shnong Panaliar ka la pynkhreh shait shait ïa ka tamasa ha katei ka jaka.

Shuh shuh ki nongïalam shnong ki la pynsngew ba kum ka shnong ki khlem ïoh kano kano ka jingpyntip ne pan bor bad ki la ong ba, kane hi ka long shibynta ka jingïuh roit ïaka hok jong ki.

“Ngim shym la khang ïaka Panaliar ba kan pynlong ïaka tamasa hynrei kaba sngewsih ka long ba kim shym la pan bor na ka shnong”, ong u Skhemki Dhar Waheh shnong Chyrmang Neiñ.

Nalor u Waheh shnong la iadonlang u Assistant Waheh shnong u Ker Lakiang, u Phimos Talang Secretary shnong, u Sto Shylla, u Rol Lakiang, u Sngawhi Lakiang.