Pyrshah ka EJNC iaka public hearing ka Star Cement ban pynheh par mawshun

Syllad | The Rising MeghalayaOctober 21, 2020

Ka East Jaiñtia National Council (EJNC) kala ai dorkhat sha u Deputy Commissioner, East Jaiñtia Hills ban pyrshah iaka jingthmu pynlong Public Hearing na ka bynta ban pynheh par mawshun ka kharkhana dewbilat ka Star Cement ha phyllaw ka DC ophis.

Ka EJNC kala ong ba kane ka public hearing la thmu ban pynlong haka 21 Naiwieng (November) 2020 katkum ka jingpynbna jong ka MSPCB  haka 16 Risaw (October) 2020.

Kane ka public hearing kadei na ka bynta ban pynheh ia ka par tih Mawshun haka jaka kaba heh 42.051 hectare haka shnong Bishyrnot.

Lah ban pynkymaw ba kane ka public hearing kala pulom la ar sien hadien ka jingpyrshah u paidbah, ki shnong bad ki sengbhalang bapher bapher.