Pyrshah ka Hima Sutnga Youth Federation iaka jingthmu theh ñiut ha Moolamylliang

Syllad | The Rising MeghalayaApril 21, 2022

Ka Hima Sutnga Youth Federation (HSYF) Joint VDP Elaka Sutnga, ki Shnong kiba hap iaid lyngba u DSSMH Road Moopala, Sutnga, Mookympad, Tluh, Latyrke, Lamyrsiang, Jaraiñ, lem bad ka Office jong U Acting Doloi Elaka Sutnga da ka jingsngew khia ka pyrshah jur halor ka jingmih khubor haki khubor paidbah halor ka jingiasoi Soskular jong U Ma Damewanhi Rymbai bad ka Jowai, Municipal Board ban bret ia ki niut ki jakhlia ba don ha Jowai Town sha ka shnong Moolymliang ha ka jaka jong u hi kaba don hapoh ka Elaka Sutnga.

Ka Hima Sutnga Youth Federation (HSYF) Joint VDP Elaka Sutnga, bad ka Office jong U Acting Doloi Elaka Sutnga ha u kyrwoh ba la phah da u Ioowanki Shyrmang secretary ula ong “Ngin ym shah da lei lei ruh ban wan bret ia ki nuit ki jakhlia sha ka thain jong ngi namar ngi kum ki khun jong ka Elaka ngi dang thaw ki lad ki lynti ban pynkhuid pynbha ia ka Elaka jong ngi.”