Pyrshah ka Jalyiah Khliehmyntriang iaka jingphiah constituency ka JHADC

Syllad | The Rising MeghalayaAugust 7, 2024

Ka Jalyiah Khliehmyntriang Joint Committee kala ieng pyrshah iaka jingpynkylla iaka Draft jong ka Delimitation Committee JHADC halor ka jingphiah MDC Constituency hadien ka Public Hearing.

Ha kyrwoh bala phah ka Joint Committee Jalyiah Khliehmyntriang lyngba u Ma Pleit Dkhar Waheh shnong Khliehmyntriang, Ma Shillong Dkhar Waheh shnong Jalyiah, Ma Hamklet Dkhar Secretary Shnong Khliehmyntriang, Ma Dening Siangshai Secretary Shnong Jalyiah Fast Jaintia Hillss District sha u Chief Executive Member JHADC, kila pynpaw ba haka jingialang kyrkieh kaba la long haka 31 tarik Naitung (July) 2024, ka Jalyiah & Khliehmyntriang da kawei ka jingmut ki la shim iaka rai ban pyrshah jur ia ka jingpynkylla jong ka Delimitation Committee iaka draft bala dep pynsngew paidbah haka public hearing kaba la long haka 11 tarik Naitung ha Khliehriat West Community.

“Ngi pdiang ia ka draft jong ka Delimitation Committee lada ngi hap sha kano kano ka Constituency ruh, tangba ngi dei ban don haka juh ka Constituency baroh ar shnong kata ka Jalyiah bad Khliehmyntriang kumba la dep pynbna haka draft ba nyngkong hashuwa ka public hearing,” la ong ka Joint Committee.

Kane ka commmitte kala ong shuh shuh ba katkum ka jingtip kaba thikna mynta pat ka kaiphod ka Delimitation Committee kala pynkylla khongpong ia katei ka draft bala dep pynbna haka public hearing da kaba phiah iaka shnong Khliehmyntriang sha ka Musniang Rangad MDC Constituency, katba iaka shnong Jalyiah pat ka pynneh haka Muthlong Sohkymphor MDC Constituency, wat haba ngim shym la pyrshah iaka draft haka public hearing. Kumta ngi pyrshah jur ia kane ka jingleh jong ka Delimitation Committee.

“Kane ka jingleh jong ka Delimitation Committee ka long kaei kaei kaba ngim lah ban pdiang namarba haka public hearing ki pynbna da kumwei katba hadien ka hearing ki la leh sop sop pat da kumwei wat haba ym don ba pyrshah ruh,” la ong u kyrwoh ka Joint Committee Jalyiah Khliehmyntirang.

La ong ruh ba baroh shi katta ka shnong Jalyiah bad Khliehmyntriang ki don haka juh ka Constituency, sa kawei ruh ka polling station jong ka Khliehmyntriang ka dang hap hapoh ka shnong Jalyiah.

Kumta ngi naka liang ka shnong Jalyiah bad Khliehmyntriang kala kyrpad iaka Delimitation Committee ban leh ia kaba donkam da kaba buh lang iaka Jalyiah bad Khliehmyntriang haka juh ka Constituency kumba juh long baroh shi katta.

“Ngi pdiang lada ngi hap sha kano kano ka constituency ruh tangba ngi dei ban donlang ha ka juh ka constituency kumba ladep pynbna paidbah haka public hearing bala dep. Lada kam long kumta ngim banse ban shim da kawei pat ka rai kaba kham tyngeh wat ban boycott iaka election MDC ruh,” la ong ka Joint Committee.