Pyrshah ka KSU ban wanrah iaki 30 tylli ki trok dewiong

Syllad | The Rising MeghalayaApril 30, 2020

Ka Khasi Student Union (KSU) aintia Hills District Unit ha u kyrwoh bala phah da u president Samla Ohibait Dkhar kala pynpaw ia ka jingpyrshah jur halor ka jingthmu jong ka sorkar jylla ban wan rah ia kita ki 30 tylli ki truck kit dewiong na ka jylla Assam ban wan sha ka jylla jong ban pynbiang dewiong sha ki kharkhana cement kiba don ha poh East Jaintia Hills District.

Ka KSU kala buh jingkylli bad kumno ka sorkar ka kwah ban wanrah ïa u dewiong naduh Guwahati haba u dewiong ula don lypa ha kane ka thain.

Ka KSU kala buh jingkylli bad kynthoh balei ka sorkar kam ailad ia ki paradoh parasnam kiba treikam dewiong 40 snem ne tam wat haduh mynta ban pynbiang ia u dewiong ia kine ki kharkhana. Ka KSU kala ong balei ka sorkar kam tip mo ba u dewiong u la don lypa hapoh ka jylla, khmatam napoh East Jaintia Hills bad ha kano ka dur ba kane ka sorkar ka kwah ban wanrah ïa u deiwong na Assam.

Ka KSU ha u kyrwoh bala phah u Ohibait, ula ong kane ka rai jong ka sorkar ha kum kane por ka saw ka sain jong ka jylla bad ki ri ha ka pyrthei na ka jingsar u khniang jingpang COVID 19, hynrei mynta pat ka sorkar ka kwah ban ia lehkai ia ka jingim jong ki briew tang ban pynbiang ki kam jong ki kharkhana dewbilat ban phah wan ia ki briew na ki wei pat ki jylla bad lada jia ba ka sorkar ka shah ba kin wan lait lan ha kaba kum kane ka por, ka pyni ba kam don jingmut ia ka sorkar ba kan pynbna ia ka lockdown hapoh ka jylla. 

Ka KSU ka suba jur ba ka don eiei sha lyndet halor kane bad kam lah ban pdiang bad pynpaw ka jingpyrshah halor kane ka jingwan ki trok dewiong na Assam.

Ka KSU kala ong shuh ba ka sorkar ka dei pyrkhat shwa ia ki paradoh parasnam kiba sah kut sha kiwei ki jylla naduh kiba trei, ki samla pule kiba don shabar jong ka jylla kiba kwah ban wan phai sha la ka jong ka jylla ne ka iing ka sem.

Ka KSU kala dawa ban pynsangeh mardor ia kane ka jingthmu ban wanrah iaki 30 tylli ki trok dewiong ban wan na bar jong ka jylla bad lada kine ki trok kin iaid ka KSU kan shim da kiwei ki lad ban pynbor iaka sorkar ban pynsangeh ia kane ka jingthmu jong ka.