Pyrshah ka Raij Namdong iaka jingpharia iaki shnong haka jingphiah constituency

Syllad | The Rising MeghalayaJuly 8, 2024

Ka Raij Namdong kala pynpaw iaka jingpyrshah kaba jur halor ka jingthmu ban pharia bad shain lyngkhot lyngkhai iaki shnong kiba don hapoh ka Raij Namdong katkum Delimitation of JHADC Constituencies Draft.

Ha u kyrwoh bala phah, ki nongialam ka Raij Namdong kila pynpaw ba ka Raij Namdong ka hapoh hapoh ka elaka Nongingi ka kdup iaki 12 tylli ki shnong kita ki long Namdong A, Namdong B, Mukhnang, Umjalisiaw, Madanrtiang, Lumrot, Thadmukoh, Lagmyngngor, Myngngor, khonsaro, Kremmyrsiang, Thadmynri.

Kumta ka sur jong u paidbah u ba bun balang ngi pynpaw iaka jing pyrshah bad ka jing bymhun iaka jing phiah iaki shnong kiba don hapoh Raij Namdong, namar kine ki shnong baroh ki hap hapoh ka Mynsngat Khanduli constituency. Hynrei mynta kaba sngewsih bad phylla la pharia ia kine ki shnong haduh 3 bynta 3 constituency kata ka long shi lyngkhot sha ka Umladang-Modop constituency shi lyngkhot sha Mynsngat-khanduli constituency bad shi lyngkhot sha Shiliangmyntang Constituency, ka jingkylli mynta ka long balei ba hap ban pharia haduh katne jaka Raij Namdong. Balei kiwei ki shnong sha kiwei ki Raij ki don lang hajuh katba iaki shnong hapoh ka Raij la pharia lyngkhot lyngkhai.

Kumta kane ka jing leh kam long kaba myntoi jaki nongshong shnong hynrei ka ktah pynban iaka leit ka wan iaka roi ka par namar ka jing jngai na kawei ka shnong sha kawei pat. Kumta ha dein ba u paidbah u la wan ud wan nam bad pynsngew laka jing bym hun iakane ka draft kaba la phah daka Delimitation Committee, JHADC ka Raij Namdong ka pyrshah jur iakane ka rukom phiah iaki shnong namar ka long ka bym i don nongrim.

Ka jingpyrshah kaba jur ka long halor ka nongrim ba ka jingpynpharia iaki shnong ka Raij Namdong bad pyniasnoh ia ki kato katne tylli ki shnong sha kiwei pat ki shnong kiba ia jngai da ki phew kilometer, kumta kam long kaba myntoi iaki nong shong shnong namar bala ia jngai ka lynti ka syngkeing bad ka jing pyn ia jngai iaka jing iadei ki khun ka Raij Namdong. Namar ka Raij Namdong ka don ia u Waheh Raij ia ki nongkitkam Raij ban peit iaki jaka ki puta ki khlaw ki btap iaka shong suk shong sain hapoh ka Raij, kumta ngi kyrpad iaphi wat pyn pharia ia kine ki shnong khnang ba ka jing ia ieid ka shong suk ka shong sain kan nym duh hapoh ka Raij.

Ka jingpyrshah ruh ia kane ka Draft kaba mynta kam long kat kum ki kyndon ka ain, kam pyn iasnoh iaki shnong kiba marjan hynrei ka pyn iajngai pynban iaka jing iadei ki mar jan shnong, ka pynduh iaka jing ia jing ieid jing ia tylli ka pynduh iaka shong suk shong sain hapdeng ki marjan shnong. Kumta ngi ki nongkitkam jong ka Raij Namdong haka sur jong u paidbah ngi pyrshah jur iakane ka draft bad ngi kyrpad iaka Delimitation Committee ban pynneh pynsah para marjan shnong khnang ba kan wan rah iaka jing myntoi bad ba kan long kaba iaid beit iaid ryntih iaka rukom piah constituency.

“Hooid, ngim pyrshah iaka jing phiah constituency hynrei ngi pyrshah halor kane ka nongrim kumba la kdew haneng. Kumta naka bynta ka roi ka par ka bha ka miat ki nong shong shnong ban neh ban sah ka jing iaieid ka jing ia jan bad kan nym ktah iaka ioh ka kot ngi kyrpad iaphi ba phin leh iaka babha khnang ba u paidbah un hun un suk bad un ioh iaka jing myntoi.”