Pyrshah ka shnong Panaliar ïaka jingthmu buh Isolation Ward COVID-19 ha MCH Hospital

Syllad | The Rising MeghalayaMarch 23, 2020

Ka Dorbar Shnong Panaliar kala pynpaw ka jingpyrshah kaba jur ïaka jingthmu jong ka tnad ka koit ka khiah ka Jylla ban buh Isolation Ward ha Maternity and Child Health Hospital, Jowai namar ba ka hap hapoh ka jaka shong paidbah.

Kane ka hospital ka dei ka Civil Hospital barim jong ka Jowai kaba don ha Panaliar.

Ka Dorbar Shnong Panaliar kala ong ba kane ka hospital dei ban pyntreikam ïa kum ba la thmu, kata ban buh iaka hospital MCH bad kam shah ban buh ïa kino kino ki kam ba shipor, ong u kyrwoh na u General Secretary ka Dorbar Shnong Panaliar u C Phawa.

Also Read | Buh ia ka Isolation Ward & Nodal Centre ban iakhun Coronavirus ha MCH Hospital Panaliar

Ha kawei pat ka khubor ka dorbar shnong Panaliar kum shibynta ban iatreilang bad ka sorkar ban iada na ka jingpur u khniang jingpang COVID-19 kala khang ia baroh ki nongwan jngohkai kiba na bar Jylla bad bar ri ban wan sha Syntu Ksiar.

Ka Dorbar Shnong Panaliar ka kyntu ia baroh ban iatreilang bad ka shnong.