Pyrshah kiew dor Umphniang kali bad permit kali kamai ha Jowai

Syllad | The Rising MeghalayaOctober 26, 2021

Ki nongñiah kali kamai hapoh ka lama All Jaintia Commercial Vehicle Tourist Association (AJCVTA) bad ka Jowai Shillong Tourist Cabs Association haka step sngi ba Ar ki la pynlong ka jingïakhih rah placard bad teh lama iong ia ki kali kamai tourist ha man ki jaka pynïeng kali kamai kiba don ha rilum Jaintia kynthup ka West Jaintia bad East Jaintia na ka bynta ban pyrshah ïaka jingpyntreikam ïaka All India Permit bad ka jingkiew dor ka bai Umphniang kali.

Ha kane ka jingïakhih ki nongñiah kali ki la rah ïaki placard kiba don ïaki jingthoh “Ka jingrem dor ka Umphniang kali la kumba shong dor ka Ksiar”, “Ladei ka por ban kamai noh da ki kali shimet namar ka jingbym suidñiew ka sorkar”, “Kumno ngin pdiang iaka All India Permit haba ngi kamai tang ha ka District lajong”, bad ki jingthoh pynrem ïaka sorkar MDA.

kaba la khñiot beiñ palat ïaki nongñiah kali kiba im sngi bad kamai jakpoh lyngba ka kam kamai kali.

U nongïalam ka All Jaintia Commercial Vehicle Tourist Association u Paila Kordor Lyngkot haba kren sha ki lad pathai khubor ula kynthoh ïa kane ka sorkar ka bym shym la pyrkhat satia ïaka ïap ka im jong ki nongñiah kali.

“Ka jingkiew dor palat ka bai Umphniang ka buh ka jingeh bakhraw ïa ngi ki nongñiah kali ban pyndap pynbiang ïaka ïing ka sem bad ki jingdonkam jong ki khun ki kti jong ngi, ” la ong utei u nongïalam.

Ki nongñiah kali ki dawa na ka sorkar ban pynneh beit da ka 3 State Tourists Permit, ym da ka All India Permit kaba rem dor bad ban pynhiar ïaka dor Umphniang.

U John Lyngdoh Secretary JSTCA ula ïathuh ba ka 3 State Permit ka shong dor 2900 tyngka haka shisnem katba ka All India Permit ïaki kali kiba don AC ki shong dor haduh 25 hajar tyngka shisnem bad ïaki bym don AC ka shong dor 15 hajar tyngka shisnem.