Pyrto u Ambassador ka France ha ka jingleit jngoh ia ka ‘Lawkyntang ha Mawphlang

Syllad | The Rising MeghalayaMay 11, 2024

U nonglamktien (Ambassador) ka France sha India u Thierry Mathou ha ka 10 tarik Jymmang, u la wan iuhkjat ha ka sien kaba nyngkong eh ha Meghalaya ha kaba u l leit ngoh ruh ia ka ‘Lawkyntang (Sacred Grove), ki Mawbynna bad ia ka Heritage Village ha Mawphlang, East Khasi Hills.

Une u nonglamktien u la iaid kjat haduh palat 3 kilometre ban leit jngoh ia ka ‘Lawkyntang ia kaba la ialam da u khlieh jong ka Kur Lyngdoh ka Hima Mawphlang u Bah Tambor Lyngdoh Mawphlang.

U Mathou u la pynpaw ia ka jingkmen bad ka jingsngewtynnad ha kane ka jingleit jngoh ia ka ‘Lawkyntang bad pynpaw ruh ia ka jingangnud ban tip kham bha shaphang jong ka kumjuh ia ki lad jingiada ia ka mariang bad ki jingdon jingem hapoh jong ka ia kaba na ka liang u Bah tambor u la pynshai ha kaba iadei bad ka jinglong jingman jong ka ‘Lawkyntang bad ba kumno la mana pyrshah ban leh ia kino kino pynkhein ain ha kane ka jaka.

Kane ka ‘Lawkyntang ka dei ruh ka jaka kaba la khring bha ia ki nongwan shangkai pyrthei na kylleng kumjuh ia ki riew wad bniah.

Nalor kata utei u nonglamktien ula leit jurip ruh ia ka Dam Mawphlang ha kaba la iadon ryngkat ki heh ophisar jongka tnad Public Health Engineering (PHE) kiba la pyntip ha u kumno la pynpoi ia ka umbam umdih sha ki 77.15% tylli ki longiing ha Sor bad khapsor.

Na ka liang utei u nonglamktien u la ong, “Nga sngewkmen shibun ban ioh ia kaba kum kane ka lad ban leit jngoh ia ka ‘Lawkyntang, Ngin hap ban ioh jingtip shuh shuh lyngba jong phi kumno ban iada ia ka mariang bad ia ki jingdon jingem hapoh jong ka.”