Pyut lut ki mar rep duh nong u nongdie bad nongrep

Syllad | The Rising MeghalayaApril 8, 2020

Kam dei kaba phylla, hynrei kadei ka jingduh nong ïa u nongkhaii bad u nongrep ha kaba ki hap ban bret ïaki mar bala pyut hadien ba kim lah ban die ïaki mar ha ki iew ki hat na ka daw ka jingkhang khyrdep iaka ri bad ka jylla ban iakhun pyrshah iaka khlam COVID-19

Ha ka kam khaii pateng ia ki mar rep ki dei kiba shitom bha ban pyniaid khamtam haba sniew ka iew.

U Nongrep uba shaniah ha u nongdie ne nongkhaii ruh u shitom jingmut jingpyrkhat namar ba u mar rep ne jhur uba la dei ban ot ne kheit ruh kim nud ban kheit bad kila shu iap stai, kumjuh u nongkhaii ruh lada ym lah ban die iaki mar rep haka por kaba biang ki jhur ki pyut bad iap stai bad wanrah ka jingduhnong kaba khraw.

Uwei u nongkhaii ha Jowai ula ong ba u ju leit shim mar na ki nongrep ha kylleng ki thain Thadlaskein, Laskein hynrei ula lap ba bun ki mar rep kila pyut bad iap stai namar ka jingsniew ka iew kaba la ktah bha ïaki nongrep. Kum u nongkhaii namar ba sniew ka iew ngim nud ban thied bun khamtam iaki mar pyut kiba ki nongrep ka thain.