Rah Amlarem SC iaka nam lahduh haka Super Division ka ASSA

Syllad | The Rising MeghalayaFebruary 6, 2025

Ka Amlarem SC kala ioh rah iaka nam lahduh hadien ba kala pynliem da 1-0 iaka Seinbhalang Shkentalang haka jingiakhun final Super Division kaba pyniaid da ka Amlarem Sub-Divisional Sports Association (ASSA) kaba long ha madan ka shnong Jarain haka 6 tarik Rymphang.

Ha lyndet kane ka nam jop ka Amlarem SC kala wan lyngba Wankibha Pohthmi lyngba ka kol kaba ula thep haka minit kaba 22 kaba la biang pura iaka kynhun jong u ban khur iaka namjop bad rah syndon iaka nam lahduh mynta ka kynti.

Da kane ka namjop u Wankibha ula khur ruh iaka khusnam Man of the Match. Ia ka khusnam top scorer la khur da u Tip Rasmut, best goalkeeper u Nangbun Surong kiba na ka Amalrem SC.

U kongsan uba sakhi ia kane ka jingiakhun final u dei u Principal North Liberty Higher Secondary School, Jowia u Richard B Uriah haka jingiadonlang ki nongkitkam bad ki dkhot jong ka ASSA bad kiwei kiwei.