Rah biang u Mebanker Shullai iaka nam lahduh haka District Open Badminton Championship ka WJDBA

Syllad | The Rising MeghalayaDecember 13, 2020

U Mebanker Shullai ula rah nam lahduh haka lympung ïalehkai Badminton kaba la tip kum ka “11th District Open Badminton Championship” kaba la pynlong da ka West Jaintia District Badminton Championship (WJDBA) ha Indoor Hall jong ka Seinraij Jowai haka miet sngi Saitjain.

Kane kala wan hadien ba ula pynliem ïa u Hrisami Passah da 21/17-21/13 haka jingiakhun phainal Men’s Single. Da kane ka namjop, kan dei ka sien kaba lai ia u Mebanker Shullai ban rah iaka nam lahduh hapoh ka district.

Kane ka lympung kaba la sdang naduh ka 7 tarik une u bnai bad kaba la sha kaba kut haka miet sngi Saitjain la shimbynta da ki phew ngut ki samla kynthei bad shynrang bad ki rangbah.

La pynlong ia kane ka lympung da kaba bud ryntih katba lah iaka kyndon bala bthah ka sorkar ban iakhun pyrshah iaka khlam COVID-19.

Ha kane ka miet, ka WJDBA kala pynkup burom ruh ïa u Ma Sunday Morning Tariang uba long u nuksa ia baroh ki nongialehkai ban ialehkai wat haka rta kaba iaw bha. Dangshen ula shah pynkup burom ruh haka tnad Sports Jylla  da ka Chief Ministers’ Sports Person of the Month Award.

Haka Women’s Singles, ka Wandakahi Passah kala jop iaka Josefina Passah da 21/15-21/17.

Haka Mixed Double, ki shikmie shikhun u Hrisami Passah & Ribhalang Passah kila jop ia u Mebanker Shullai & Balashembha Passah 21/14-21/14.

Haka Men’s Singles 35+, u Dr Peterson L Lamare ula jop ia u Dauru Laloo 21/14, 21/18, 23/21.

Mixed Double 50+, u Teddy Laloo & Salan Paswet kila pynliem ia u Dawanroi Pyrbot & Kiroi S Bareh da 21/18-21/11

Men’s Double 35+, u Dauru Laloo & Rimilan Passah kila pynliem ia u Arkiyoo Passah & Dameki Kyndiah da 21/18-21/16

Men’s Double, u Rimilan Passah & Mebanker Shullai kila jop ia u Dauru Laloo & Deilang Nongpluh 21/19-21/18

Haka Men’s 50+, u Sunday Morning Tariang ula shah pynliem ha u Shibom Pohleng da 14/21-24/22, 15/21

Haka Women’s Double, ka Ribhalang Passah & Wandakihi Passah kila jop iaka Balashembha Passah & Emilanadara Chyrmang da 21/17, 21/18.

La wan ban pynhap pyrda ia kane ka lympung da u Superintendent of Police, West Jaintia Hills Disticrt u Bikram D Marak kum u kongsan bad ula sam ruh iaki khusnam sha ki nongjop haka jingiadonlang u President bad Secretary ka WJDBA u ma James Pohsngap, Mewothi Nongpluh nalor kiwei kiwei.