Rah iaka um haki khiew khyndew na Myntdu ban lehkmen iaka jingplie iaka Ayodhya Ram Mandir

Syllad | The Rising MeghalayaJanuary 21, 2024

Kum ka jingdon bynta lang haka jingshna iaka Ram Mandir ka ban sa plie paidbah haka 22 tarik Kyllalyngkot ha Ayodhya, Uttar Pradesh, ki riewngeit ka Niam Hindu ha Jowai haka 21 tarik Kyllalyngkot ki la pyndep iaka Kalash Yatra da kaba leit tong iaka um ban rah shaki Mandir.

Ha Jowai ki riewngeit Hindu kiba dei ki kynthei ryngkat ki khiew khyndew ki leit tong iaka um na Syntu Ksiar ryngkat ka jingsynrang lang ki shynrang kiba rah iaki lama ryngkat ka bom bad ki jingsur jingtem.

Hadien ka nguhblei na u Pandit, ki la mih na Syntu Ksiar daki thuk thuk katba ki kynthei ki rah iaka um da ka kjat haduh ban da poi ha Ram Mandir kaba don ha Iawmusiang khnang ban pyndep iaka lehniam.

Haba iakren bad u Pawan Sanchety General Secretary ka Vishva Hindu Parishad, Meghalaya ula ong, haka por ba shna iaka Ram Mandir ha Ayodhya la rah iaka um bad khyndew na ka Wah Myntdu kum ka jingdon bynta lang haka jingshna iaka Mandir.

Ula pyntip ruh ba ki heh nongialam niam, ki heh nongialam seng sain hima sima na Meghalaya ruh kin leit sha Ayodhya ban sakhi iaka jingplie iaka Ram Mandir lashai ka sngi.