Rah ka Elang Ki Oo FC iaka 7 A-Side Football ka Panaliar

Syllad | The Rising MeghalayaMay 29, 2022

Ka Elang Ki Oo FC kala jop iaka We Sports FC da ka tie breaker haka jingiakhun football 7 A-side Football ka Sports Committee ka shnong Panaliar bad rah syndon iaka nam lahduh.

Kane ka jingiakhun final kaba long ha madan shnong ka Panaliar haka sngi Saitjain. Ka jingiakhun katkum ka por kaba la buh kala wai da kaba iakhaid khlem don mano mano bai oh pynkhih iaka jar.

Dei hadien bala rah iaka jingiakhun sha ka tie breaker bala lah ban rai iaka nam jop bad ka Elang Ki Oo Fc kaba heh ka bok ka nusip kala ioh iaka jingjop.

U Kongsan Saron Pasweth MDC Jowai South uba long ruh u nongshong shnong ka Panaliar ula iadonlang bad sam iaki khusnam sha ki nongjop ryngkat u waheh shnong dorbar shnong Panaliar ma Riquoma RQ Laloo, general secretary ka shnong Careme Phawa nalor kiwei kiwei.

Ka khusnam Man of the Match la ïoh rah da u Felickson Pasleiñ na ka We Sport FC katba ïaka nam Best Goal Keeper la ïoh da u Confirm Bang na ka Mency FC.