Rah ka Lamyrsiang iaka nam lahduh Super Div ka Saipung Block Sports Association

Syllad | The Rising MeghalayaDecember 21, 2024

Ka Lamyrsiang kala long ka lahduh jong ka Super Division Football Tournament kaba pyniaid da ka Saipung Block Sports Association (SBSA) hadien ba kala lah ban pynliem da ka tie breaker da 4-2 pyrshah iaka Pyrdung haka final kaba long haka 20 tarik Nohprah.

Haka jingiakhun haka por kaba la buh ka jingialehkai kala kut da kaba iakhaid mar 1-1.

Ka Lamyrsiang kala wan nadien ban tan kylla iaka jingiakhun sha kaba iakhaid haka minit kaba khatduh 90 minit lyngba ka kol kaba la thep u Jefferson Surong. Ka Pyrdung kala thep shuwa naduh ka kylla step tang hapoh 9 minit bala iaid ka jingiakhun lyngba u Phrangsngi Pakem.

Da kane ka namjop ka Lamyrsiang kala ioh rah iaka song pisa T.50 hajar bad trophy, ka Pyrdung T.30 hajar bad trophy.

Ka khusnam shimet Best Goalkeeper la ioh rah da u Sbing chyrmang (Pyrdung SC), Player of the Tournament lissus Sujai (Lamyrsiang SC), Top Scorer Sehgouthang Tuboi (Mulait United) bad ka Player of the Match Share Mukhim (Lamyrsiang SC).

U kongsan bad symbud kongsan ba iadonlang ha kane ka sngi ki kynthup ia u ma Francis Swer bad ma Dominic Pala haka jingiadonlang u president SBSA u ma Victor Suja nalor kiwei kiwei ki riew rangbah ka thain.