Rah ka Mulang Ialong iaka Independence Day Cup Under-17 Football Tournament

Syllad | The Rising MeghalayaAugust 15, 2023

Ka Mulang Ialong kala pynliem da 3-2 iaka Dulong haka final Independence Day Cup Under-17 Football Tournament kaba pyniaid da ka West Jaintia District Sports Association kaba long ha Kiang Nangbah Stadium haka sngi ba Ar.

Ia kane ka tournament la pynlong ryngkat ka jingiatreilang ka ophis u Deputy Commissioner, West Jaintia Hills District, District Sports Officer.

Ka Mulang Ialong ha kane ka jingiakhun kala tam shakhmat tang hapoh 5’ bala iaid ka jingiakhun lyngba ka kol kaba la thep u Samith Pale.

Hadien kane ka kol ka Dulong kala iakhun tyngeh bad kane kala pynshongshit ia ki nongwan peitkai bad haka minit kaba 24’ bad 26’ ka Dulong kala thep ar kol. Kine ki kol la thep da u Kynsaikupar Bareh bad Yoobhalang Langstang.

Ka Mulang Ialong haba la poi haka kylla miet kala sei iaki buit ki bor ban iakhun bad kala ioh thep sa shikol lyngba u Charelang Mulieh 35’ bad kane ka kol kala ai mynsiem iaka kynhun ialehkai ka Ialong baroh kawei bad kala nang ioh bor ban tem iaka ka kut ka jong ban lait naka jingshah thep kol.

Da kane ka jingiakhaid wat la kala pynlehnohei iaka kawei ka penalty, ka Mulang Ialong kala lah ban kyntiew iaka rukom ialehkai jong ka ban niom iaka kut jong ka Dulong  bad haka minit kaba 64’ kala ioh ban pyntam shikol lyngba u Nidaroi Mulieh kaba la biang pura iaka ban khur iaka namjop.

Ka khusnam nam Man of the Match bad ka Player of the Tournament kala leit sha u Nidaroi Mulieh ka Mulang Ialong, ka Best Goal Keeper sha u Seibor Rymbai Mulang Ialong bad ka Top Scorer ne ka jingioh bun kol Riphi O Shylla ka 7wasa FC ( 6 Goals).

U kongsan ba wan sakhi ia kane ka jingiakhun final u dei u MLA Jowai Wailadmiki Shylla haka jingiadonlang u Deputy Commissioner, WJH, Bah BS Sohliya, ki nongkitkam bad dkhot ka WJDSA, DSO bad kiwei kiwei.

La pynkup burom iaki player Under-14, ka RC Evening School Mihmyntdu (ka Lahduh 2022), HK Singh Memorial Secondary School ka mihkhmat iaka jylla sha ka lympung Subroto Cup ha Bengaluru, Alexader Lyngdoh nongiakhun kti, Givenson Suting u khynnah ka North Liberty HSS uba la shah jied haka Bengaluru FC Football Academy lyngba ka grassroot player Advance Centre, ki nongialehkai Athletic ka WJH District kiba la ioh khur iaka over all champion n aka State Level Athletic Meet.