Rah ka Nongjri Presbyterian Secondary School iaka 63rd International Subroto Cup

Syllad | The Rising MeghalayaAugust 28, 2024

Ki khynnah skul U-15 jong ka Meghalaya ki la ioh ban rah ia ka nam kum ki lahduh jong ka 63rd International Subroto Cup kaba la long ha Bengaluru haka 28 tarik Nailar.

Kane kala wan hadien ba ki khynnah skul ka Meghalaya kaba dei lyngba ka Nongjri Presbyterian Secondary School kaba na Ri Bhoi ki la lah ban pynliem noh ia ka skul kaba dei na Uttar Pradesh da 3-0. U nam tam jong kane ka jingiakhun dei u Prosperwell Ryngtong uba la ioh ban thep marwei haduh ar tylli ki kol bad sa shi kol la thep pat ia ka da u Namebanlam Nongkseh .

U MLA/MDC ka Mawhati u bah Charles Marngar  bad uba dei ruh u President ka Managing Committee jong ka Nongjri Presbyterian Secondary School, u pynpaw ia ka jingsngew kmen kaba khraw hadien ba ki khynnah jong kane ka skul ki la ioh ban rah ia ka nam kum ki lahduh ha ka lympung ialehkai jong ka U-15 Boy’s ka 63rd International Subroto Cup kaba la long ha Bengaluru.

Na ka liang u bah Charles kum u president jong ka managing committee u la ai khublei ia ka kynhun hadien ba kan wanrah ia ka nam bad ka burom, bad khlem da klet ban ai khublei ia u coach, team manager bad team official kiba la leit ban synran.

U Bah Charles u la ong ba kane kam dei shuh tang ka burom ia ka Nongjri Presbyterian SS, pynban ka dei ka burom kaba khraw ia ka Ri Bhoi District hi baroh kawei bad ia ka jylla.

U Bah Charles ula pyntip ba katba u dang don hapoh ka iing dorbar thawain,u la ioh ban phone ia u Chief Minister ha kaba u la iathuh ba ha u ba ka kynhun ka khreh ba kan wanphai da ka train sha la ka jylla, hynrei haka jingiakren bad u Chief Minister la dep book ticket lypa da ka plane ia kane ka kynhun kaba don baroh 23 ba kan wanphai noh sha la iing.