Rah ka Rimika Dkhar iaka nam bha briew tam haka Lukha Festival

Syllad | The Rising MeghalayaFebruary 8, 2023

Ka samla Rimika Dkhar kala iohrah iaka nam bhabriew tam haka 3rd Lukha Festival 2023 kaba la pynlong da ka Sonapyrdi Tourism & Economic Development Society (STEDS) kaba la poi noh sha kaba kut haka 4 tarik une u bnai.

Kaba wan baa r ka dei ka Jingieit U ai Timung bad b alai ka Hakani Phawa. Ka Rimika kala lahduh kala ioh iaka song pisa T.30 hajar bad kaba wan baar bad balai kila ioh T.20 hajar bad T.10 hajar.

Kiwei pat ki khusnam kiba kynthup iaka Best Cat Walk la ioh da ka Firstlin Roy Kam, Beautiful Hair la ioh da ka Rortunate Mika Dkhar, Best Costume la ioh da ka Rimika Dkhar, Beautiful Smile pat la ioh da ka Hakani Phawa.

Kane ka tamasa ba arsngi, ka jingthmu jong ka kalong ban kyntiew iaka kam jngohkai ha katei ka thain bad ban wanrah iaka lad iohkam iohjam ki samla katei ka thain bad ban ialap ban tyngkai iaka jingbuh jingsat ka mariang.

La plie ia kane ka tamasa da u Dr. P Nongtdu Principal, Jaiñtia Eastern College East Jaiñtia Hills District, Khliehriat kum u kongsan bad u bah Minot Lapasam u long kum u symbud kongsan. La ia donlang ruh ki professor na Jaiñtia Eastern College, u Devander Bansal RD Star cement Ltd, ki rangbah shnong bapher bapher jong ki shnong kiba la shah khot sngewbha lem bad ki riew paw khmat na kylleng bad kumjuh ki spah ngut ki paidbah bad ka jingialang la pyniaid da u KS Suchiang President ka Society.

U Dr. P Nongtdu kum u kongsan haba ai jingkren u la ong donkam shisha ban long kiba iohi jngai ban long kiba stad ban sumar ban pynneh pynsah ia ki jingdon jingem ka mariang. U la pynkynmaw ruh ba ha ki 30 snem mynshwa na Khliehriat ki hiar shaduh Sonapyrdi ban bamja Hotel namar ka dohkha na Wah lukha. Ula ong ruh ba donkam ban long kum ki nongkitkam ban ia dei jingmut ban ia tylli khnang ban lah ban pynmareh ia ki kam ka society shaphrang.

Ha ka sngi ba ar Lukha Festival kala don ka jingiaid kjat (Trekking) hapoh ka khlaw kyrpang ka Narpuh Wildlife Sanctuary kaba la iawan shim bynta na ki samla pule NSS unit Jaiñtia Eastern College, Khliehriat, ki briew napoh ka Wildlife Dept kiba lam lynti ha katei ka jingiaid kjat.

La don ruh ka jingiakop king lieng (Boat Racing Competition), ka jingiakop jngi um (Swimming Competition), Beach Futsal competition, Scuba diving, Painting competition bad kiwei kiwei ki jingialehkai.

Haka por mynmit pat la wan ban tem ki kynhun nongtem ba pawnam ki Snow White na Shillong lem bad ka DJ night.

Ka jinglehkmen tamasa (Festival) kaba ar sngi ka iaid beit iaid rynti ha ka jingshongkun. La wan ban khang pyrda (closing) ia katei ka Festival da u Marshal Biam kum u kongsan bad u Manbha Kyndoh Dolloi Elaka Narpuh kum u symbud kongsan bad i kong N Laloo DFO Wildlife kum i Special Guest. Ka society ka kyrmen skhem ba kane ka jaka kan long kawei na ki jaka ba pawnam kum ka jaka jngohkai pyrthei ba itynnad tam kaba lah ban khring ia ki briew wat kiba na bar ruh.