Rah ka Stella Khongsngi ia ka pansngiat Miss Meghalaya, ka Angelina Jackson ia ka Miss Teen 2023

Syllad | The Rising MeghalayaSeptember 11, 2023

Ka samla Stella Khongsngi ka la ioh ban phong ia ka pansngiat kum ka lahduh ha ka Miss Meghalaya katba ka Angelina Jackson ka la jop ia ka Miss Teen ha ka jingiakop thei bhabriew kaba la kut noh ha ka sngi Saitjain ba la lah hapoh u Soso Tham Auditorium, Shillong.

Na baroh ki 19 ngut kiba la wan iashim bynta ha kane ka jingiakop na kylleng ka jylla ka Stella ym tang ba ka la ioh ban rah ia kane ka nam ladhuh hynrei nalor ka dur ba bhabriew jong ka, ka dei ruh ka samla kaba stad bad ka dang pule mynta ia ka Bachelor of Science (B.Sc) ha ka Mathematics hapoh St. Mary’s College, Shillong.Ha kane ka jingiakop ka la ioh ruh ban rah ia ka nam Miss Personality bad Miss Catwalk kumjuh.

Ka Lamiker Dkhar ka la wan ha ka kyrdan ba ar bad Sanijaijai Khyriem kala wan balai.

Katba ka Angelina Jackson ka samla kaba dang 18 snem rta ka la shah pynkup da ka pansngiat Miss Teen Meghalaya 2023. Ka Angelina kaba dang pule ha poh St. Mary’s Higher Secondary School, Shillong ka la jop napdeng ki 18 ngut kiba la wan ban iashim bynta ha kane ka jingiakop.

Ha kane ka jingiakop ka Denice Kharkongor ka la wan ha ka kyrdan kaba lai katba ka Gracie Nandy ka la wan ha ka kyrdan ba ar.

Ka Stella kaba la ioh rah ia ka nam Miss Meghalaya ka la ioh rah ruh ia ka khusnam kaba da ka pisa kaba long T.1 lak, katba ka Angelina kaba la ioh rah ia ka Miss Teen ka la ioh ban rah ia ka song pisa kaba T 25,000.

Kiwei pat kiba la jop ia ki sub title ha ka Miss Teens ki kynthup ia ka Genelia Dkhar kaba la ioh rah ia ka Miss Catwalk, ka Palei M. Chyne ia ka nam Miss Talented, ka Gracie Nandy ia ka Miss Personality bad ka Denice Kharkongor ia ka Miss Photogenic.

Katba ha ka jingiakop Miss Meghalaya, ha ka subtitle ka samla Stella Khongsngi ka la ioh rah ruh ia ka nam Miss Catwalk bad Miss Personality, ka Ibadonbok Shisha Marwei Miss Talented, Dipa Ghime Miss Warrior Princess, Lavakeni Surong kum ka Miss Photogenic, Sanijaijai Khyriem kum ka Miss Fusion Queen, Rida Maia kumka Eco Queen bad ka Remika Dkhar kumka Miss Congeniality.

Ki nongbishar ne ki judge kiba la wan ban bishar ha kane ka jingiakop ki kynthup ia ka Ilasara Kharkongor, Charlee Lalthenmawia, Kethileno Kense Vehienuo bad Kong S Marwein bad James Owen Farreira.

Ki nongjop ha kan ka jingikao pMiss Meghalaya 2023 bad Miss Teen 2023 kin ioh ia la lad j ban leit mihkhmat ia ka Jylla Meghalaya sha ki lympung thei bhabriew ki ban long ha ka thain Shatei Lam Mihngi (Northeast) bad ka Ri India.