Rah ka Tariang FC iaka 8th Secondary School Invitation Football Knock Out Tournament ka Pdengshakap

Syllad | The Rising MeghalayaApril 10, 2022

Ka Tariang FC kala ioh rah iaka nam lahduh hadien ba kala pynliem iaka Nohron SC da 2-0 kol haka final jong ka 8th Secondary School Invitation Football Tournament kaba pyniaid da ka dorbar shnong Pdengshakap, Amlarem Sub Division ha madan Tympang Club kaba long haka sngi Saitjain.

Ia kine ki ar kol ka Tariang FC la thep da u Badon Marbaniang (18) bad Batipphar Swer (69).

La wan sakhi ia kane ka jingiakhun final da u MLA ka thain uba long ruh u myntri ka tnad kam pohiing u ma Lahkmen Rymbui kum u kongsan, Bah Hering Shangpliang Retd Sports Officer ka sorkar jylla uba long ruh u coach, u MDC ka thain Gillroy Tariang MDC War-east, u Dapmon  Tariang D License Coach, u Savio Buam chairman Tournament uba pyniaid iaka jingialang, Secretary shnong ka Pdengshakap u Shailang Pakyntein bad kiwei kiwei.

Ka Tariang FC kaba la ioh rah iaka nam lahduh kala rah iaka song pisa T.2 lak, ka Nohron T.1.30 lak.

Ka Khusnam Man of the Match ioh khur da u Debinroy Nongspung jong ka Tariang FC, Best Goalkeeper- u Aibormiky Suchiang naka Tariang FC.