Rah ka Ummulong iaka nam lahduh haka District Cricket League ka WJHDCA

Syllad | The Rising MeghalayaMay 5, 2024

Ka Ummulong Sc kala ioh rah iaka nam lahduh da 3 run (DLS) pyrshah iaka Efty United haka jingiakhun final jong ka District Cricket League kaba pyniaid da ka West Jaintia Hills District Cricket Association (WJHDCA) kaba long ha madan ialehkai ka shnong Khliehrtyshi.

Ka Efty United kaba la jop iaka toss kala rai ban ball shuwa. Kumta ka Ummulong kaba la tied shuwa bad kamai 203 bad liem 7 wicket na ka 31.3 over, hynrei la pynsangeh shipor iaka jingialehkai naka daw ba slap.

Ban bteng biang iaka jingiakhun la shim iaka rai lyngba DLS method bad la khate iaka run bad ka over ha kaba ka Efty kan beh iaka thong kaba 83 na ka 10 over.

Ka Efty haba beh iaka thong kala lah ban kamai 79 run na ka 10 over bad kala liem 6 wicket kaba la biang pura iaka Ummulong ban khur iaka nam lahduh.

Ki nongtied ka Ummulong kiba la synniang run ki dei u Sylvester Mylliempdah uba la kamai 68 run, Camlyone Passah 49 run, katba u Pynskhem Phawa marwei ula khywit 4 wicket bad shi wicket da u Sumarlang Lamare.

Nakaliang ka Efty, tang ar ngut ki nongtied jong ka kiba ioh kamai sha ki ar dak, kata u Carefully Gassah 13 bad u Riboklang Hynniewta 21 run. U Conrad Sana ula khur ar wicket.

Ka khusnam Man of the Match kala leit sha u Pynskhem Phawa, Youngest player of the tournament u Eshan Siangshai.

U Sylvester Mylliempdah ula khur bun eh ki wicket kata, 13 wicket na ki 6 sien ialehkai kaba la pynlong ia u ban ioh khur iaka nam Man of the Tournament, Chontre I Man Lamare uba bun run eh haduh 303.

Ia ki khusnam la sam da u kongsan District Sports Officer bad Assistant Director of Sports Khroobok Passah haka jingiadonlang u MLA Jowai bad ki nongkitkam ka WJHDCA bad MCA.