Rah ka umsaw iaka jingkieng Shymplong Hingaria, twa khyndew ha surok NH-6

Syllad | The Rising MeghalayaMay 17, 2022

Mynta ka sngi ba Ar, ka jingkieng Shymplong Hingaria kaba pyniasoh ia ki 6 tylli ki shnong ha khappud India Bangladesh kala shah rah haka umsaw.

Kane ka jingdkut kane ka jingkieng kala pyniakhlad noh ia baroh ki shnong kiba don ha katei ka khappud naduh ka shnong Huroi, Hingaria, Lejri, borsara, Shymplong bad ka Lahalein.

Ka jingdkut kane ka jingkieng kala pynlong ia kine nongshong shnong ban sahkut lut sha shilliang bad na kaliang ka KSU Narpuh kala kyntu iaka sorkar bad khamtam iaka tnad PWD ban pynioh jingiarap bad shna iaka jingkieng.

Shuh shuh ha surok bah National Highway 6 ne ka surok Shilong Jowai Silchar kala sahkut biang ka iaid ka ieng u paidbah hadien ba la don biang ka jingtwa khyndew kaba thymmai.

KI Pulit ki iathuh ba ka iaid ka ieng na Silchar, Ratacherra bad Khliehriat kala sahkut hadien ka jingtwa khyndew ha Kuliang hynne ka step.

Ka khubor pulit ka iathuh ba ka jingpynkhuid iaka khyndew kaba la twa ka dang iaid shait shait bad kila pynioh ruh iaki lad jingiarap iaki nongleit nongwan ba sahkut.

Ha Jowai kala don ka jingtwa khyndew ha surok Amlarem Jowai bad tang hadien katto katne kynta la dep ban pynkhuid bad la lait biang ka iaid ka ieng ki kali motor.