Rah ka United Padu & ka Shnongpdeng ïaka U-12 CMYDS ha Amlarem

Syllad | The Rising MeghalayaMarch 13, 2019

JOWAI: Ka United Padu bad ka Seng Samla Shnongpdeng kila ïohrah ïaka nam lahduh haka lympung ïalehkai football Block Level Under 12 Open Football Tournament kaba hap hapoh ka Chief Minister Youth Development Scheme (CMYDS) kaba pynïaid da ka ophis u District Sports Officer, West Jaiñtia Hills District ha Amlarem Block.

Haka jingiakhun phainal kaba la long haka sngi Balang na ki shynrang ka United Padu ka la jop da 2-0 ïaka Riwar Jaiñtia Church Of God School bad na ka liang ki kynthei ka Seng samla Shnongpdeng ka la pynliem da 3-0 ïaka Pdengshakap UPS School.

Kane ka lympung ïalehkai ki khynnah rit kala sdang naduh ka 11 tarik une u bnai bad la wan ban ïahimbynta da ki 15 kynhun ki sports klob.

U Dr. M Talang doctor bala shongthait ka district ula la long kum u kongsan haka jingpynhap pyrda ïa kane ka lympung bad ula shim ruh ka bynta ban sam ïaki khusnam haka jingïadonlang u DSO bad kiwei kiwei ki riew rangbah ka ASSA.