Rah ka Wahiajer bad ka Dulong na Thadlaskeiñ Block; 26 tarik sdang ka District Level U-12 CM Football ha West Jaiñtia

Syllad | The Rising MeghalayaMarch 21, 2019

JOWAI: Ka ‘U-12 Chief Minister Open Football Tournament’ kaba hap hapoh ka Chief Minister Youth Development Scheme (CMYDS) kaba pynïaid da ka ophis u District Sports Officer, West Jaiñtia Hills District kala jam sha ka District Level bad kane ka lympung kan sdang haka 26 haduh 28 tarik une u bnai ha Kiang Nangbah Stadium.

Ha ka jngïakhun final naka Thadlaskein Block mynta ka sngi ha madan ialehkai ka shnong Wahiajer, ka Wahiajer SC bad bad ka Dulong FC kila rah ïaka nam lahduh. Ka Wahiajer SC kala rah ïaka nam lahduh na kaliang ki kynthei hadien ba kala pynliem ïaka Jaiñtia SS da 2-0. Katba na ki Shynrang la rah da ka Dulong FC hadien ba kala pynliem da 5-0 ïaka Lurshai Larnai.

U Ma Kmenlang Shylla, Waheh Shnong ka Wahiajer ula long kum u kongsan bad ula aiti ïaki khusnam sha ki nongjop haka jingïadonlang U DSO West Jaiñtia Hills District Bah Hering Shangpliang bad kiwei kiwei.

Na Amlarem Block yn mihkhmat da ka United Padu na ki shynrang bad ka Riwar Jaintia Church of God SS na ki kynthei. Na Laskein Block ka Govt LP School Nongkynrih kan mihkhmat na ki shynrang bad ka Laskein UP School kynthei. Nalor ka Dulong bad ka Wahiajer kiba na Thadlaskein Block.