Rah ka West Jaintia Hills ia nam lahduh haka Chief Minister’s State Level Inter School Athletic Meet

Syllad | The Rising MeghalayaJune 2, 2023

Ka West Jaintia Hills District kala ioh ban rah ia ka nam kum ki lahduh ha ka lympung ialehkai Chief Minister’s Inter School Athletic Meet 2023, ba la pynlong ia ka da ka tnat Directorate of Sports & Youth Affiars, ha SAI, STC, NEHU.

Ha lyndet ka jinglah ban rah kane ka kynhun ia ka nam lahduh ka la wan hadien ba ka la ioh ba kan khur haduh 23 tylli ki takma ba kynthup 14 tylli ki takma ksiar, 6 tylli ki takma rupa bad 3 tylli ki takma rnong.

Shuh shuh la nang pyntikna ia kane ka kynhun ban rah ia ka nam lahduh hadien ba ka lah shwa ba kan bat ia ka nam lahduh jong ka U-16 ki khynnah shynrang hadien ba ka la ioh ba kan khur 15 tylli ki takma ba kynthup 9 tylli ki takma ksiar, 5 tylli ki takma rupa bad kawei ka takma rnong.

Ka distrct kaba la wan ba-ar dei ka kynhun ialehkai na Ri-Bhoi District kaba la ioh ban khur 16 tylli ki takma ba kynthup 8 tylli ki takma ksiar, 2 tylli ki takma rupa bad 6 tylli ki takma rnong.

Haba phai sha ka liang ki kynthei, ki nongjop mynta ka kynti dei ka kynhun ialehkai ka West Khasi Hills hadien ba ki la ioh ban khur 16 tylli ki takma ba kynthup 7 tylli ki takma ksiar, 2 tylli ki takma rupa bad 7 tylli ki takma rnong, ka district ba la wan ba-ar dei dei ka West Jaintia Hills kaba la ioh ban khur 8 tylli ki takma ba kynthup 5 tylli ki takma ksiar, 2 tylli ki takma rupa bad 1 ka takma rnong.

Ha kine ki lai sngi jong kane ka lympung ialehkai, la shem bad iohi ruh ia ka sap ialehkai ba nylla bad kaba pynlong syndon ia ki ban kin khur ia ka nam rang bad thei ialehkai ba kynsai.

Ha ka kyrdan iakhun ka U-14 ki khynnah shynrang, ka nam nongialehkai ba kynsai ka leit sha u , Brayernly A Sangma ka South Garo Hills hadien ba u la ioh ban khur 649 points bad na ka liang ki kynthei ia kane ka nam la rah ia ka da ka Rukini RT Dkhar ka East Jaintia Hills District hadien ba ka la ioh ba kan khur 716 points.

Haba phai sha ka U-16, ka nam nongialehkai ba kynsai na ka liang ki khynnah shynrang la khur ia ka da u Dangiaidlynti Tmung ka Ri- Bhoi Distrct hadien ba u la lah ban kamai 736 point bad na ka liang ki kynthei ka la leit biang sha kawei pat ka thei ialehkai kane ka district ka Sibilda Maring hadien ba ka la lah ba kan kamai haduh 668 points.

Katba ha ka kyrdan iakhun jong ka U-18 na ka liang ki shynrang ka nam nong ialehkai ba kynsai ka leit sha u Simeon Marak ka North Garo Hills hadien ba u la lah ban kamai 792 points bad na ka liang ki khynnah kynthei kane ka nam ka leit sha ka Himonki Khaii ka West Jaintia Hills hadien ba ka la lah ban kamai 667 points.

Ka kongsan kaba wan ban iadonbynta lang ha kane ka lympung ki khynnah skul ka dei ka Kong Matsiewdor War Nongbri, IAS, Secretary Revenue & Disaster Management Department haka jingiadonlang u Assistant Directors Ma Khroobok Passah P.B War Nongbri bad kiwei kiwei District Sports Officers na ki district bapher bapher.